നടൻ മമ്മൂട്ടി നേതൃത്വം നൽകുന്ന ജീവകാരുണ്യ സംഘടനയായ കെയർ ആൻഡ് ഷെയർ ഇന്‍റർനാഷണൽ ഫൗണ്ടേഷന്‍റെയും ആലുവ രാജഗിരി ആശുപത്രിയുടെയും സംയുക്ത സംരംഭമായ ആശ്വാസം പദ്ധതിയിലൂടെ കണ്ണൂർ ജില്ലയ്ക്ക് ഓക്സിജൻ കോൺസെൻട്രേറ്റർ നൽകി.
ജില്ലയിലെ ഓക്സിജൻ കോൺസെൻട്രേറ്ററിന്‍റെ ആവശ്യകത ഫുട്ബോൾ താരം സി.കെ. വിനീത് മമ്മൂട്ടിയെ അറിയിച്ചതിനെ തുടർന്നാണ് കെയർ ആൻഡ് ഷെയർ ഇന്‍റർനാഷണൽ ഫൗണ്ടേഷൻ വഴി മമ്മൂട്ടി കോൺസെൻട്രേറ്റർ നൽകിയത്.
സംസ്ഥാന യുവജന ക്ഷേമ ബോർഡ് അംഗം വി.കെ. സനോജിൽ നിന്ന് ഐആർപിസി കൂത്തുപറമ്പ് സോണൽ ഭാരവാഹികളായ നഗരസഭ മുൻ ചെയർമാൻ എൻ.കെ. ശ്രീനിവാസൻ, സോണൽ കൺവീനർ രഘുത്തമൻ എന്നിവർ ചേർന്ന് ഓക്സിജൻ കോൺസെൻട്രേറ്റർ ഏറ്റുവാങ്ങി.
ഓക്സിജൻ സിലിണ്ടർ ആവശ്യമായി വരുന്ന കിടപ്പുരോഗികൾക്കും അവരെ പരിചരിക്കുന്ന സ്ഥാപനങ്ങൾക്കും ഓക്സിജൻ കോൺസെൻട്രേറ്ററുകൾ സൗജന്യമായി നൽകുന്ന പദ്ധതിയാണ് ഇത്.
