ഫാമിലിമാൻ എന്ന സൂപ്പർ വെബ് സീരിസിന് ശേഷം രാജ് ആൻഡ് ഡികെ സംവിധാനം ചെയ്യുന്ന പുതിയ സീരിസ് ‘ഗണ്സ് ആന്ഡ് ഗുലാബ്സ്’ ട്രെയിലർ എത്തി. ദുല്ഖര് സല്മാന്റെ ആദ്യ ബോളിവുഡ് വെബ് സീരിസ് കൂടിയാണിത്.
നെറ്റ്ഫ്ലിക്സിലൂടെയാണ് സീരിസ് റിലീസ് ചെയ്യുന്നത്. രാജ്കുമാര് റാവു, ഗൗരവ് ആദര്ശ്, ദുല്ഖര് സല്മാന് എന്നിവരുടെ മൂന്ന് പ്രധാന കഥാപാത്രങ്ങളെ കേന്ദ്രീകരിച്ചുള്ള ഒരു കോമഡി ത്രില്ലറാണ് ഗണ്സ് ആന്ഡ് ഗുലാബ്സ്.
തൊണ്ണൂറുകളാണ് കഥാ പശ്ചാത്തലം. ഇൻസ്പെക്ടര് അര്ജുൻ വര്മ എന്ന കഥാപാത്രത്തെ ആണ് ദുൽഖർ അവതരിപ്പിക്കുന്നത്. പങ്കജ് കുമാറാണ് സീരീസിന്റെ ഛായാഗ്രഹണം നിർവഹിച്ചിരിക്കുന്നത്.
രാജ് ആൻഡ് ഡികെയ്ക്ക് ഒപ്പം സുമന് കുമാറും കൂടി ചേര്ന്നാണ് കഥ ഒരുക്കിയിരിക്കുന്നത്. അമൻ പന്ത് ആണ് സംഗീതം. ഓഗസ്റ്റ് 18 മുതൽ നെറ്റ്ഫ്ലിക്സിലൂടെ സീരിസ് സ്ട്രീമിംഗ് ആരംഭിക്കും.