ബംഗളൂരു: ബജറ്റ് അവതരണത്തിൽ കേരള മുൻധനമന്ത്രി കെ.എം. മാണിയുടെ റിക്കാർഡ് മറികടന്ന് കർണാടക മുഖ്യമന്ത്രി സിദ്ധരാമയ്യ. പതിമൂന്നാമത്തെ ബജറ്റാണ് 69കാരനായ സിദ്ധരാമയ്യ വെള്ളിയാഴ്ച നിയമസഭയിൽ അവതരിപ്പിച്ചത്. കെ.എം. മാണിയുടെ അക്കൗണ്ടിൽ 12 ബജറ്റുകളാണുള്ളത്.
വ്യക്തിപരമായി സിദ്ധരാമയ്യയുടെ പതിമൂന്നാമത്തെയും ഈ സർക്കാരിന്റെ അവസാനത്തേതുമായ ബജറ്റാണ് കഴിഞ്ഞ ദിവസം അവതരിപ്പിച്ചത്. നേരത്തെ ജെഡി-എസ് സർക്കാരിൽ ധനമന്ത്രിയായിരുന്നപ്പോൾ എട്ടുതവണ സിദ്ധരാമയ്യ ബജറ്റ് അവതരിപ്പിച്ചിട്ടുണ്ട്. പിന്നീട് കോൺഗ്രസിലെത്തി മുഖ്യമന്ത്രിയായപ്പോഴും ധനകാര്യം അദ്ദേഹം ഏറ്റെടുക്കുകയായിരുന്നു.
1972- 78 കാലഘട്ടത്തിൽ മുഖ്യമന്ത്രിയായിരുന്ന ദേവരാജ് അരസിനു ശേഷം അഞ്ചുവർഷം കാലാവധി തികയ്ക്കുന്ന കോൺഗ്രസ് മുഖ്യമന്ത്രി എന്ന നേട്ടവും സിദ്ധരാമയ്യ സ്വന്തമാക്കി.
കെ.എം. മാണിയുടെ റിക്കാർഡ് മറികടന്നു സിദ്ധരാമയ്യ
10:37 PM Feb 21, 2018 | Deepika.com