‘മാളികപ്പുറം’ എന്ന ചിത്രം സംസ്ഥാന ചലച്ചിത്ര അവാർഡിൽ അവഗണിക്കപ്പെട്ടുവെന്ന വിവാദങ്ങളിൽ പ്രതികരണവുമായി സിനിമയുടെ തിരക്കഥാകൃത്ത് അഭിലാഷ് പിള്ള.
അർഹതയുള്ളവർക്ക് തന്നെയാണ് അവാർഡ് ലഭിച്ചിരിക്കുന്നതെന്നും അനാവശ്യ വിവാദങ്ങളിലേക്ക് കുട്ടികളെ വലിച്ചിഴക്കരുതെന്നും അഭിലാഷ് പറഞ്ഞു.
അർഹതയുള്ളവർക്ക് തന്നെയാണ് അവാർഡ് ലഭിച്ചിരിക്കുന്നത്, ദയവ് ചെയ്തു അനാവശ്യ വിവാദങ്ങളിലേക്ക് ആ കുട്ടികളെയും മാളികപ്പുറം സിനിമയെയും വലിച്ചിഴക്കല്ലേ, ബാല താരത്തിനുള്ള അവാർഡ് നേടിയ തന്മയയുടെ പ്രകടനവും മികച്ചതാണ്. ദയവ് ചെയ്തു ആ കുട്ടിയുടെ സന്തോഷത്തെ ഇല്ലാതാക്കരുത്. അഭിലാഷ് പിള്ള കുറിച്ചു.
മാളികപ്പുറത്തില്‍ കല്യാണി എന്ന കഥാപാത്രത്തെ അവതരിപ്പിച്ചാണ് ദേവനന്ദ എന്ന ബാലതാരം പ്രേക്ഷകപ്രീതി നേടിയത്. ശബരിമലയില്‍ പോകണമെന്ന് തീവ്രമായി ആഗ്രഹിക്കുന്ന ഒരു കുട്ടിയെയാണ് ദേവനന്ദ അവതരിപ്പിച്ചത്.
ടൊവീനോ തോമസിനെ നായകനാക്കി നായകനാക്കി സനല്‍ കുമാര്‍ ശശിധരന്‍ സംവിധാനം ചെയ്ത വഴക്ക് എന്ന ചിത്രത്തിലെ അഭിനയത്തിനാണ് തന്മയ സോളിന് മികച്ച ബാലതാരത്തിനുള്ള (പെണ്‍) പുരസ്കാരം ലഭിച്ചത്.
