വയലാർ രാമവർമ സാംസ്കാരികവേദിയുടെ 15-ാമത് ചലച്ചിത്ര പുരസ്കാരങ്ങൾ പ്രഖ്യാപിച്ചു. മമ്മൂട്ടി മുഖ്യകഥാപാത്രമായി അഭിനയിച്ച നൻപകൽനേരത്ത് മയക്കമാണു മികച്ച ചിത്രം.
മികച്ച നടനായി സൗബിൻ ഷാഹിറിനെയും (ഇലവീഴാപൂഞ്ചിറ, ജിന്ന്), മികച്ച നടിയായി ദർശന രാജേന്ദ്രനെയും (ജയ ജയ ജയഹേ) തെരഞ്ഞെടുത്തു. ലിജോ ജോസ് പെല്ലിശേരിയാണു മികച്ച സംവിധായകൻ (നൻപകൽനേരത്ത് മയക്കം).
ചലച്ചിത്രപ്രതിഭാ പുരസ്കാരങ്ങൾ സംവിധായകൻ പ്രിയദർശൻ, നടൻ ശങ്കർ, നടി മേനക എന്നിവർക്കു സമ്മാനിക്കും. സെപ്റ്റംബർ ആദ്യവാരം തിരുവനന്തപുരം നിശാഗന്ധിയിൽ നടക്കുന്ന ചടങ്ങിൽ പുരസ്കാരങ്ങൾ വിതരണം ചെയ്യും.