സിംഗപൂരിൽ അവധി ആഘോഷിക്കുന്ന മോഹൻലാലിനെയും കുടുംബത്തെയും കണ്ട സന്തോഷം പങ്കുവച്ച് നടി രാധിക ശരത്കുമാർ. ഇൻസ്റ്റഗ്രാമിലാണ് താരം മോഹൻലാലിനും ഭാര്യ സുചിത്രയ്ക്കുമൊപ്പമുള്ള ചിത്രങ്ങൾ പങ്കുവച്ചത്.
മോഹൻലാലിനും കുടുംബത്തിനുമൊപ്പം ഒരു വൈകുന്നേരം എന്ന കുറിപ്പോടെയാണ് രാധിക ചിത്രം പങ്കുവച്ചത്. കഴിഞ്ഞ ആഴ്ചയാണ് മോഹൻലാലും ഭാര്യ സുചിത്രയും സിംഗപൂരിലെത്തിയത്.
നിരവധി പേരാണ് ചിത്രത്തിന് താഴെ കമന്റുമായെത്തുന്നത്. മോഹൻലാലിനൊപ്പം ഇട്ടിമാണി മെയ്ഡ് ഇൻ ചൈന എന്ന ചിത്രത്തിൽ രാധിക അഭിനയിച്ചിരുന്നു. മലയാളം തമിഴ് സിനിമകളിലെ സ്ഥിരം സാന്നിധ്യമാണ് രാധിക.