കഴിഞ്ഞ ദിവസം ദുൽഖർ സൽമാൻ ഇൻസ്റ്റഗ്രാമിൽ പങ്കുവച്ച ഒരു വീഡിയോയുടെ നിജസ്ഥിതി എന്താണെന്ന് അറിയാനുള്ള ആകാംഷയിലായിരുന്നു ആരാധകർ. ഉറങ്ങിയിട്ട് ഏറെ നാളുകളായെന്നും ഒന്നും പഴയതുപോലെ അല്ലെന്നുമായിരുന്നു ദുൽഖർ വീഡിയോയിൽ പറഞ്ഞത്.
ദുൽഖറിന് എന്താണ് പറ്റിയതെന്നും എന്തെങ്കിലും തരത്തിലുള്ള പ്രശ്നങ്ങൾ താരത്തെ അലട്ടുന്നുണ്ടോയെന്നും എല്ലാം നിരവധി ചോദ്യങ്ങളാണ് വന്നിരുന്നത്.
എന്നാൽ ദുൽഖറിന്റെ വീഡിയോ ഒരു പരസ്യത്തിന്റെ പ്രെമോഷനായി തയ്യാറാക്കിയതാണ്. ഒരു മൊബൈൽ പരസ്യത്തിന്റെ ഭാഗമായിട്ടാണ് ആ വീഡിയോ ചിത്രീകരിച്ചത്.
മൊബൈലിന്റെ പരസ്യവും ദുൽഖർ സമൂഹമാധ്യമത്തിലൂടെ പങ്കുവച്ചിട്ടുണ്ട്. ‘‘ഈ മൊബൈൽ എന്നിൽ ചെലുത്തിയ മാന്ത്രിക ശക്തി ഞാൻ വിചാരിച്ചതിലും ശക്തമാണ്. മെഡിറ്റേഷൻ ചെയ്തിട്ടു പോലും ഇതിന്റെ വശീകരണത്തിൽ നിന്ന് എനിക്ക് രക്ഷപ്പെടാൻ കഴിയുന്നില്ല.’’ വീഡിയോയുടെ അടിക്കുറിപ്പിൽ ദുൽഖർ പറയുന്നു.