ഇന്ത്യയിലെ ഏറ്റവും വലിയ നിർമാണക്കമ്പനികളിലൊന്നായ ലൈക പ്രൊഡക്ഷൻസ് ജൂഡ് ആന്തണി ജോസഫുമായി ഒന്നിക്കുന്നു. ലൈക പ്രൊഡക്ഷൻ തന്നെയാണ് ഈ വാർത്ത പുറത്തുവിട്ടിരിക്കുന്നത്.
മലയാളത്തിൽ നിന്നും ഇതാദ്യമായാകും യുവ സംവിധായകൻ ഇത്രയും വലിയ നിർമാണക്കമ്പനിയുമായി സഹകരിക്കുന്നത്. പ്രോജക്ടിന്റെ മറ്റ് വിശദാംശങ്ങളൊന്നും പുറത്തുവിട്ടിട്ടില്ല.
ഇന്ത്യൻ സൂപ്പർ സ്റ്റാറുകളിൽ ഒരാളാകും ചിത്രത്തിൽ പ്രധാന വേഷത്തിലെത്തുന്നതെന്നും റിപ്പോർട്ട് ഉണ്ട്.
ഓം ശാന്തി ഓശാന എന്ന സൂപ്പർഹിറ്റ് ചിത്രത്തിലൂടെ സംവിധാന രംഗത്തെത്തിയ ആളാണ് ജൂഡ് ആന്തണി ജോസഫ്. ഒരു മുത്തശ്ശി ഗദ, സാറാസ് എന്നിവയാണ് മറ്റ് സിനിമകൾ. അഭിനയരംഗത്തും ജൂഡ് സജീവമാണ്.