കുടുംബമൊത്ത് അവധിക്കാലം ആഘോഷിക്കുന്നതിന്റെ തിരക്കിലാണ് നടൻ സൂര്യ. ഇത്തവണ അവധിക്കാലം ചെലവിടുന്നതിനായി താരം തെരെഞ്ഞടുത്തിരിക്കുന്നത് ഡെന്മാർക്കിന്റെ തലസ്ഥാനമായ കോപ്പൻഹേഗൻ ആണ്.
ജ്യോതികയും മക്കളായ ദിയയും ദേവും താരത്തിന് ഒപ്പമുണ്ട്. ജ്യോതികയാണ് യാത്രയുടെ വീഡിയോ ഇൻസ്റ്റഗ്രാമിൽ പങ്കുവച്ചത്. ഇവർ നടത്തുന്ന ബോട്ടിംഗും ട്രക്കിംഗുമെല്ലാം വീഡിയോയിൽ കാണാം.
മകൻ ദേവിന്റെ ജൻമദിനവും കോപ്പൻഹേഗിലെ ഫാറോ ദ്വീപിലാണ് താരകുടുംബം ആഘോഷിച്ചത്.
ഡെന്മാർക്കിന്റെ തലസ്ഥാനത്തു നിന്നും വിമാനത്തിലാണ് ദ്വീപിലേക്കുള്ള യാത്ര. അവിടം മുതലുള്ള വീഡിയോയാണ് ജ്യോതിക പകർത്തിയിരിക്കുന്നത്.
ജീവിതത്തിൽ നിന്നും രക്ഷപെടാൻ യാത്രകൾ ചെയ്യരുത്...ജീവിതം നമ്മളിൽ നിന്നും രക്ഷപ്പെടാതിരിക്കാൻ യാത്ര ചെയ്യൂ...എന്ന കുറിപ്പോടെയാണ് ജ്യോതിക വീഡിയോ പങ്കുവച്ചിരിക്കുന്നത്. വീഡിയോ ഇതിനകം ആരാധകർ ഏറ്റെടുത്തു കഴിഞ്ഞു.
ഫാറോ ദ്വീപിന്റെ സൗന്ദര്യം മുഴുവനായി ജ്യോതിക തന്റെ കാമറയിൽ പകർത്തിയിട്ടുണ്ട്. സൂര്യയ്ക്കൊപ്പമുള്ള സെൽഫിയും വീഡിയോയിൽ മിന്നിമായുന്നുണ്ട്.
2006ലാണ് തെന്നിന്ത്യയിലെ പ്രിയതാരങ്ങളായ സൂര്യയും ജ്യോതികയും വിവാഹിതരാകുന്നത്. 2007ലാണ് മൂത്തമകൾ ദിയ ജനിക്കുന്നത്. മൂന്ന് വർഷത്തിനിപ്പുറം 2010ൽ ദിയയ്ക്ക് കൂട്ടായി ദേവും എത്തി.
വിവാഹത്തോടെ അഭിനയത്തിൽ നിന്നും ഇടവേളയെടുത്ത ജ്യോതിക 2015ൽ പുറത്തിറങ്ങിയ 36 വയതിനിലേ എന്ന ചിത്രത്തിലൂടെയാണ് തിരിച്ചെത്തിയത്.
ശിവ സംവിധാനം ചെയ്യുന്ന 'കങ്കുവാ'യാണ് റിലീസിനൊരുങ്ങുന്ന സൂര്യയുടെ അണിയറയിൽ ഒരുങ്ങുന്ന ചിത്രം. മലയാളത്തിൽ പുറത്തിറങ്ങാനിരിക്കുന്ന കാതൽ ദി കോർ ആണ് പുറത്തിറങ്ങാനിരിക്കുന്ന ജ്യോതികയുടെ ചിത്രം.