കെജിഎഫ് 2വിന് ശേഷം പ്രശാന്ത് നീൽ സംവിധാനം ചെയ്യുന്ന ബിഗ്ബജറ്റ് ചിത്രമാണ് സലാർ. ചിത്രത്തിൽ പ്രഭാസാണ് നായകൻ. ചിത്രത്തിന്റെ ടീസർ ജൂലൈ ആറിന് റിലീസ് ചെയ്യും. പുലർച്ചെ 5.12നാണ് ടീസർ റിലീസ് ചെയ്യുക.
ഹോംബാലെ ഫിലിംസ് ആണ് ചിത്രത്തിന്റെ നിർമാണം. പൃഥ്വിരാജ് സുകുമാരൻ, ശ്രുതി ഹാസൻ, ജഗപതി ബാബു എന്നിവരാണ് മറ്റ് പ്രധാന അഭിനേതാക്കൾ. വരദരാജ മന്നാർ എന്ന കഥാപാത്രമായി പൃഥ്വി എത്തുന്നു. ഭുവൻ ഗൗഡ ഛായാഗ്രഹണവും രവി ബസ്രുർ സംഗീത സംവിധാനവും നിർവഹിക്കും.
ചിത്രം 2023 സെപ്റ്റംബർ 28-ന് ലോകമെമ്പാടുമുള്ള തിയറ്ററുകളിൽ റിലീസ് ചെയ്യും. കേരളത്തിൽ പൃഥ്വിരാജ് പ്രൊഡക്ഷൻസും മാജിക് ഫ്രെയിംസും ചേർന്നാണ് തിയറ്ററുകളിൽ എത്തിക്കുന്നത്.