ജിഎസ്ടി നികുതികൾ കൃത്യമായി ഫയൽ ചെയ്യുകയും അടയ്ക്കുകയും ചെയ്തതിന് പൃഥ്വിരാജിന്‍റെ ഉടമസ്ഥതയിലുള്ള പൃഥ്വിരാജ് പ്രൊഡക്‌ഷന്‍സിന് കേന്ദ്ര സർക്കാരിന്‍റെ അംഗീകാരം.
കേന്ദ്ര ധനകാര്യ മന്ത്രാലയത്തിന്‍റെ കീഴിൽ വരുന്ന സെന്‍ട്രല്‍ ബോര്‍ഡ് ഓഫ് ഇന്‍ഡയറക്ട് ടാക്‌സ് നൽകിയ സർട്ടിഫിക്കറ്റ് ആണ് നിർമാണക്കമ്പനിക്കു ലഭിച്ചത്.
2022–23 സാമ്പത്തിക വർഷത്തിലെ നികുതി അടവുമായി ബന്ധപ്പെട്ടാണ് ഈ അംഗീകാരം ലഭിച്ചിരിക്കുന്നത്.
നയൻ എന്ന ചിത്രം നിർമിച്ചുകൊണ്ടാണ് പൃഥ്വിരാജ് പ്രൊഡക്‌ഷൻസ് നിർമാണ മേഖലയിലേക്കെത്തുന്നത്. തുടർന്ന് സൂപ്പർ ഹിറ്റായ ചിത്രങ്ങളടക്കം നിരവധി സിനിമകളുടെ നിർമാതാവായി.
നിർമാണ രംഗത്തു മാത്രമല്ല വിതരണ രംഗത്തും പൃഥ്വിരാജ് പ്രൊഡക്‌ഷൻസ് സജീവമാണ്. രജനികാന്തിന്‍റെ ‘പേട്ട’യാണ് ആദ്യമായി വിതരണത്തിനെടുത്ത ചിത്രം.
പിന്നീട് മാസ്റ്റർ, കെജിഎഫ് 2, കാന്താര, 777 ചാർലി തുടങ്ങിയ ചിത്രങ്ങളും ഇവർ കേരളത്തിലെത്തിച്ചു.
