നടി മീര ജാസ്മിന്റെ ഏറ്റവും പുതിയ ചിത്രങ്ങളാണ് സമൂഹമാധ്യമങ്ങളിൽ വൈറലായിരിക്കുന്നത്. ലാവൻഡർ നിറത്തിലുള്ള സ്ലീവ്ലെസ് മിഡി ഡ്രെസാണ് താരം ധരിച്ചിരിക്കുന്നത്. വൈഡ് ഓപ്പൺ നെക്കിൽ സ്റ്റൈലിഷ് ലുക്കിലാണ് താരം എത്തുന്നത്.
‘ഷി’ എന്ന പ്രശസ്ത സംഗീത ആൽബത്തിന്റെ വരികള് പങ്കുവച്ചായിരുന്നു മനോഹരമായ ചിത്രങ്ങൾ നടി പങ്കുവച്ചത്. ഒരിടവേളയ്ക്കു ശേഷം സിനിമയില് സജീവമാകാൻ ഒരുങ്ങുകയാണ് മീര ജാസ്മിൻ.
സത്യൻ അന്തിക്കാട് സംവിധാനം ചെയ്ത മകൾ എന്ന ചിത്രത്തിലൂടെയായിരുന്നു ആറു വർഷങ്ങൾക്കു ശേഷം മീര മലയാളത്തിൽ തിരിച്ചെത്തിയത്. ജയറാമായിരുന്നു ചിത്രത്തിലെ നായകൻ.
യൈ നോട്ട് സ്റ്റുഡിയോസ് സംവിധാനം ചെയ്യുന്ന ‘ടെസ്റ്റ്’ എന്ന തമിഴ് ചിത്രത്തിലൂടെ തമിഴിലും തിരിച്ചെത്തുകയാണ് മീര. 2014ൽ പുറത്തിറങ്ങിയ വിംഗ്യാനിയാണ് മീര അവസാനമായി അഭിനയിച്ച തമിഴ് ചിത്രം.
എം. പത്മകുമാർ സംവിധാനം ചെയ്യുന്ന ‘ക്വീൻ എലിസബത്ത്’ ആണ് മലയാളത്തിൽ മീരയുടെ പുതിയ ചിത്രം. നരേനും ഒരു പ്രധാന വേഷത്തിലെത്തുന്നു. ചിത്രത്തിൽ എലിസബത്ത് ഏയ്ഞ്ചൽ എന്ന കഥാപാത്രത്തെയാണ് മീര അവതരിപ്പിക്കുന്നത്.