ഹിറ്റായ ആദ്യ പാട്ടിന് ശേഷം പാപ്പച്ചൻ ഒളിവിലാണ് എന്ന ചിത്രത്തിലെ രണ്ടാമത്തെ ഗാനവും അണിയറപ്രവർത്തകർ റിലീസ് ചെയ്തു. വിനീത് ശ്രീനിവാസൻ ആലപിച്ച "കയ്യെത്തും ദൂരത്തിരുന്നെന്റെ കണ്ണിലേക്ക് ഉന്നം പിടിച്ചവളേ' എന്ന ഗാനമാണ് പുറത്തിറക്കിയിരിക്കുന്നത്.
സിന്റോ സണ്ണി തിരക്കഥ രചിച്ച് സംവിധാനം ചെയ്യുന്ന ചിത്രത്തിലെ ആദ്യ ഗാനം എം.ജി. ശ്രീകുമാറും സുജാതയും ചേർന്നാണ് പാടിയത്. ഗാനം ആരാധകർ ഏറ്റെടുക്കുകയും ചെയ്തിരുന്നു.
സിന്റോ സണ്ണിയാണ് വിനീത് ശ്രീനിവാസൻ ആലപിച്ചിരിക്കുന്ന ആ ഗാനം രചിച്ചിരിക്കുന്നത്. ഔസേപ്പച്ചനാണ് സംഗീതം. സിധേന്ദ്രയും ശ്രീലക്ഷ്മിയും സൈജുക്കുറുപ്പുമാണ് ഈ ഗാനരംഗത്തിൽ അഭിനയിച്ചിരിക്കുന്നത്.
ജഗദീഷ്, വിജയരാഘവൻ , ദർശന, അജു വർഗീസ്, ജോണി ആന്റണി, പ്രശാന്ത് അലക്സാണ്ടർ, കോട്ടയം നസീർ, ശിവജി ഗുരുവായൂർ, ഷിജു മാടക്കര, ശരൺ രാജ്, വീണാ നായർ, ജോളി ചിറയത്ത്, എന്നിവരും പ്രധാന താരങ്ങളാണ്.
ഛായാഗ്രഹണം - ശ്രീജിത്ത് നായർ. എഡിറ്റിംഗ് - രതിൻ രാധാകൃഷ്ണൻ. കലാസംവിധാനം - വിനോദ് പട്ടണക്കാടൻ. ചീഫ് അസോസിയേറ്റ് ഡയറക്ടർ-ബോബി സത്യശീലൻ.
പ്രൊഡക്ഷൻ എക്സികുട്ടീവ് - പ്രസാദ് നമ്പ്യാങ്കാവ്. പ്രൊഡക്ഷൻ കൺട്രോളർ - പ്രശാന്ത് നാരായണൻ. തോമസ് തിരുവല്ലാ ഫിലിംസിന്റെ ബാനറിൽ തോമസ് തിരുവല്ലയാണ് ഈ ചിത്രം നിർമിക്കുന്നത്.