സമൂഹവിവാഹം നടത്തി
11:42 PM Nov 09, 2017 | Deepika.com
ബംഗളൂരു: ജയ് ഭീം പേരാവരി ട്രസ്റ്റ് ഹൊസൂറിന്റെ നേതൃത്വത്തിൽ, നിർധനരായ 12 യുവതീയുവാക്കൾക്കായി സമൂഹവിവാഹം സംഘടിപ്പിച്ചു. ഒക്ടോബർ 29ന് ഹൊസൂരിലെ മത്തിക്കരയിൽ നടന്ന വിവാഹചടങ്ങിൽ പ്രജാ പരിവർത്തന പാർട്ടി ദേശീയ പ്രസിഡന്റ് ബി. ഗോപാൽ, തമിഴ്നാട് യുവ കായികക്ഷേമ മന്ത്രി ബാലകൃഷ്ണ റെഡ്ഡി, ബിഎസ്പി കർണാടക സംസ്ഥാന സെക്രട്ടറി കൃഷ്ണമൂർത്തി എന്നിവർ പങ്കെടുത്തു. ജയ് ഭീം പേരാവരി ഹൊസൂർ പ്രസിഡന്റ് എസ്. പ്രകാശ്, സെക്രട്ടറി പരശുറാം, ജോയിന്റ് സെക്രട്ടറി ഉദയ് കുമാർ എന്നിവർ പരിപാടികൾക്ക് നേതൃത്വം നല്കി.