മോഹന്ലാലും ലിജോ ജോസ് പെല്ലിശേരിയും ആദ്യമായി ഒന്നിക്കുന്ന ‘മലൈക്കോട്ടൈ വാലിബന് പാക്കപ്പ്. 132 ദിവസം നീണ്ടു നിന്ന ഷൂട്ടിംഗാണ് ചെന്നൈയിൽ അവസാനിച്ചത്. പാക്കപ്പിനു ശേഷം പ്രത്യേക പാർട്ടിയും അണിയറ പ്രവർത്തകർക്കായി സംഘടിപ്പിച്ചു.
""ഒരുപാട് സമ്മർദ്ദങ്ങൾ നിറഞ്ഞ സമയങ്ങളായിരുന്നു. എന്നാൽ അതിനെയെല്ലാം നമ്മൾ അതിജീവിച്ചു. വളരെ നല്ലൊരു ജോലിയാണ് നമ്മൾ ചെയ്തു തീർത്തത്. സിനിമ ഓടുമോ എന്നുള്ള കാര്യമൊക്കെ പിന്നെയാണ്. ഇതുവരെ ആരും കാണാത്ത പ്രത്യേകതയുള്ള ഒന്ന് നമ്മൾ സൃഷ്ടിച്ചിട്ടുണ്ട്''. പാക്കപ്പിന് ശേഷമുള്ള ആഘോഷത്തിൽ മോഹൻലാൽ പറഞ്ഞു.
Lalettan words on #MalaikottaiVaaliban 😌💪🔥@Mohanlal #Mohanlal pic.twitter.com/TPWzFSpwS1
— LalettanwoodMfc (@MohanlalLMFC) June 14, 2023
‘‘കുറച്ച് അധികം കാലത്തെ സമയത്തിനുള്ളിൽ അൻപത്തിയഞ്ചു ദിവസത്തെ ചിത്രീകരണം പൂർത്തീകരിച്ചിരിക്കുകയാണ്. ഞങ്ങളെല്ലാവരും അതിൽ സന്തുഷ്ടരാണ്. ഈ ചിത്രം എല്ലാവർക്കും അഭിമാനിക്കാവുന്ന ഗംഭീര സിനിമയായി മാറട്ടെ, പ്രേക്ഷകരെല്ലാവരും ഇഷ്ടപ്പെടട്ടെ എന്നാഗ്രഹിച്ചുകൊണ്ട് പാക്കപ്പ്.’’–ലിജോ ജോസ് പെല്ലിശ്ശേരി പറഞ്ഞു.
രാജസ്ഥാന്, ചെന്നൈ, പോണ്ടിച്ചേരി എന്നീ സ്ഥലങ്ങളിലാണ് ചിത്രത്തിന്റെ ചിത്രീകരണം നടന്നത്. രാജസ്ഥാനിലായിരുന്നു സിനിമയുടെ ആദ്യ ഷെഡ്യൂൾ ചിത്രീകരിച്ചത്. 77 ദിവസം നീണ്ട ചിത്രീകരണമായിരുന്നു രാജസ്ഥാനിൽ.
അവിടെ വച്ച് ചിത്രത്തിന്റെ രണ്ടു ഘട്ടങ്ങള് പൂര്ത്തിയാക്കി. രണ്ടാം ഷെഡ്യൂള് ചെന്നൈയിലായിരുന്നു. ചെന്നൈയിലെ ഗോകുലം സ്റ്റുഡിയോസ് ആയിരുന്നു ലൊക്കേഷൻ. അഞ്ചു മാസത്തോളം പോസ്റ്റ്-പ്രൊഡക്ഷന് ജോലികളുണ്ടാകും.
Packup party for #MalaikottaiVaaliban 🫶🔥#Mohanlal @Mohanlal #VaathiComing pic.twitter.com/8yXykwrJRb
— Mohanlal Fans Club (@MohanlalMFC) June 13, 2023
ക്രിസ്മസ് റിലീസ് ആയി ചിത്രം തിയറ്ററുകളിലെത്തും. ഹരീഷ് പേരടി, മണികണ്ഠൻ ആചാരി, ബംഗാളി നടി കഥാ നന്ദി, മനോജ് മോസസ്, ഡാനിഷ് സേഠ്, സൊണാലി കുൽക്കർണി, രാജീവ് പിള്ള എന്നിവരാണ് ചിത്രത്തിലെ പ്രധാന അഭിനേതാക്കൾ.
മറ്റു താരങ്ങളുടെ പേരുവിവരങ്ങൾ അണിയറ പ്രവർത്തകർ വെളിപ്പെടുത്തിയിട്ടില്ല. വിദേശ താരങ്ങളടക്കമുള്ളവർ സിനിമയിൽ അണിനിരക്കുന്നുണ്ട്.
Malaikottai Vaaliban Packup party#Mohanlal #LJP pic.twitter.com/EpCvjuvPWG
— Dheeraj (@im___dheeraj) June 13, 2023
ഷിബു ബേബി ജോണിന്റെ ജോണ് മേരി ക്രിയേറ്റീവ് ലിമിറ്റഡിനൊപ്പം മാക്സ് ലാബ് സിനിമാസ്, ആമേന് മൂവി മൊണാസ്ട്രി, സെഞ്ച്വറി ഫിലിംസ് എന്നിവര് ചേര്ന്നാണ് നിര്മാണം.
പി.എസ്.റഫീഖിന്റേതാണ് തിരക്കഥ. സംഗീതം പ്രശാന്ത് പിള്ള. മധു നീലകണ്ഠനാണ് ഛായാഗ്രഹണം. ലിജോയുടെ ശിഷ്യനും സംവിധായകനുമായ ടിനു പാപ്പച്ചനാണ് ചീഫ് അസോഷ്യേറ്റ് ഡയറക്ടര്.