അജയന്റെ രണ്ടാം മോഷണം സിനിമയുടെ ടീസർ ലോഞ്ചിൽ നിർമാതാവ് ലിസ്റ്റിൻ സ്റ്റീഫന് രസകരമായ മറുപടി നൽകി നടൻ ടൊവീനോ തോമസ്. ടീസർ നിങ്ങളെ അൽപ്പമെങ്കിലും അദ്ഭുതപ്പെടുത്തും അല്ലെങ്കിൽ ഞെട്ടിക്കും. ടൊവീനോ ശമ്പളം പറഞ്ഞ് ഞെട്ടിച്ചിട്ടുണ്ടെങ്കിൽപോലും എന്നാണ് ലിസ്റ്റിൻ പറഞ്ഞത്.
പൊടുന്നനേ ടൊവീനോയുടെ മറുപടിയുമെത്തി. ശന്പളം തരാതെ ലിസ്റ്റിൻ ചേട്ടനും ഞെട്ടിച്ചു എന്നാണ് ടൊവീനോ തഗ്ഗ് മറുപടി നൽകിയത്.
ലിസ്റ്റിൻ ചേട്ടനെ ഉള്ളൂ തള്ളാൻ, ഒന്ന് വന്നു തള്ളിയിട്ടു പോകണം എന്ന് ടൊവീനോ പറഞ്ഞിട്ടാണ് ഞാൻ വന്നത്. പക്ഷേ ഞാൻ തള്ളാൻ ഉദ്ദേശിക്കുന്നില്ല. ഈ സിനിമ തന്നെ ഒരു തള്ളലായിരിക്കും എന്നാണ് ഞാൻ വിശ്വസിക്കുന്നത്.
ഈ സിനിമയുടെ സംവിധായകന്റെയും ടൊവീനോയുടെയുമൊക്കെ കഠിന പരിശ്രമം ഈ സിനിമയ്ക്കു പിന്നിലുണ്ട്. സിനിമ തുടങ്ങുന്നതിന് കുറച്ചു നാൾ മുൻപ് മാത്രമാണ് ഞാൻ വരുന്നത്. സിനിമയുടെ മുഴുവൻ ക്രെഡിറ്റും സംവിധായകനും തിരക്കഥാകൃത്തിനും ടൊവീനോയ്ക്കും ഇതിനു പിന്നിൽപ്രവർത്തിച്ച അണിയറപ്രവർത്തകർക്കും ഉള്ളതാണ്.
നിർമാണം എന്ന് പറയുന്നത് പണം മുടക്കുന്നത് മാത്രമാണ്. പാൻ ഇന്ത്യൻ ലെവലിൽ മലയാളത്തിൽ നിന്നും ഒരുപാടു ദൂരം സഞ്ചരിക്കേണ്ട സിനിമയാണ് അജയന്റെ രണ്ടാം മോഷണം.
ഇന്ന് മുതലാണ് സിനിമയുടെ പ്രമോഷൻ തുടങ്ങുന്നത്. മറ്റു സംസ്ഥാനങ്ങളിലെ വിതരണക്കാരെ ഞങ്ങൾ സമീപിച്ചിട്ടുണ്ട്. ഹിന്ദിയിലും തമിഴിലും തെലുങ്കിലും കന്നടയിലും ഉള്ള പ്രമുഖ താരങ്ങളുടെ പേജിലൂടെയാണ് പ്രമോഷൻ തുടങ്ങുന്നത്.
ടീസർ നിങ്ങളെ അൽപ്പമെങ്കിലും അദ്ഭുതപ്പെടുത്തും അല്ലെങ്കിൽ ഞെട്ടിക്കും. ടൊവീനോ ശമ്പളം പറഞ്ഞ് ഞെട്ടിച്ചിട്ടുണ്ടെങ്കിൽപോലും. വെറുതെ പറഞ്ഞതാണ്, സാധാരണ ഒരു സിനിമ 60 ദിവസം കൊണ്ടൊക്കെ ഷൂട്ട് തീരുന്നതാണ്.
പക്ഷേ ഈ സിനിമ 120 ദിവസത്തോളം പോയി. സിനിമയുടെ ഷൂട്ടിങ്ങിന്റെ നൂറാം ദിവസം കേക്ക് മുറിച്ച് ആഘോഷിച്ചതാണ്. സിനിമയുടെ വിജയത്തിനായി എല്ലാവരുടെയും പിന്തുണ ഉണ്ടാകണം. ലിസ്റ്റിൻ സ്റ്റീഫൻ പറഞ്ഞു.