ബാബു ആന്റണി നായകനാകുന്ന പുതിയ ചിത്രം ‘ദ് ഗ്രേറ്റ് എസ്കേപ്പ്’ ട്രെയിലർ റിലീസ് ചെയ്തു. ബാബു ആന്റണിയുടെ മകൻ ആര്തറും ചിത്രത്തില് പ്രധാന വേഷത്തില് എത്തുന്നു. സന്ദീപ് ജെ.എല്. ആണ് ചിത്രം സംവിധാനം ചെയ്യുന്നത്.
അമേരിക്കയിലാണ് സിനിമ പൂർണമായും ചിത്രീകരിച്ചിരിക്കുന്നത്. അച്ഛനെപ്പോലെ തന്നെ മാർഷ്യൽ ആർട്സ് അഭ്യാസിയാണ് ആര്തറും. മുഴുനീള ആക്ഷൻ ത്രില്ലറായി ഒരുങ്ങുന്ന ചിത്രത്തിന്റെ രചന യദുകൃഷ്ണനാണ്.
മലയാളത്തിലെയും ഹോളിവുഡിലെയും താരങ്ങളും നിരവധി പുതുമുഖങ്ങളും ചിത്രത്തിൽ വേഷമിടുന്നു. സംഘട്ടനം: സന്ദീപ് ജെ.എൽ. ഛായാഗ്രഹണം: ജോഷ്വാ ഹെർണാണ്ടസ്, കെന്നത്ത് ഡിൻ. പശ്ചാത്തല സംഗീതം: കെയ്സാദ് പട്ടേൽ. എഡിറ്റിംഗ്: സന്ദീപ് ജെ.എൽ. പിആർഒ- അയ്മനം സാജൻ.