ബോബി- സഞ്ജയ് കഥയെഴുതി സൂരജ് വർമ സംവിധാനം നിർവഹിക്കുന്ന ‘കൊള്ള’ എന്ന ചിത്രം ജൂൺ ഒൻപതിന് തിയറ്ററിലെത്തും. വിനയ് ഫോർട്ട്, പ്രിയ വാര്യർ, രജിഷ വിജയൻ എന്നിവർ കേന്ദ്രകഥാപാത്രങ്ങളാകുന്ന ചിത്രം ത്രില്ലർ സ്വഭാവത്തിലാണ് ഒരുക്കിയിരിക്കുന്നത്.
ചിത്രത്തിന് ക്ലീൻ യു സർട്ടിഫിക്കറ്റാണ് ലഭിച്ചിരിക്കുന്നത്. രജീഷ് പ്രൊഡക്ഷൻസിന്റെ ബാനറിൽ കെ.വി. രജീഷാണ് ചിത്രം നിർമിക്കുന്നത്. ലച്ചു രജീഷ് സഹനിർമാതാവാണ്. ഡോക്ടർമാരായ ജാസിം ജലാലും നെൽസൺ ജോസഫും ചേർന്നാണ് തിരക്കഥ രചിച്ചത്.
അലൻസിയർ, പ്രശാന്ത് അലക്സാണ്ടർ, ജിയോ ബേബി , ഷെബിൻ ബെൻസൻ, പ്രേം പ്രകാശ് തുടങ്ങിയവരും ചിത്രത്തിലുണ്ട്.
ഷാൻ റഹ്മാൻ സംഗീത സംവിധാനം നിർവഹിക്കുന്ന ചിത്രത്തിന്റെ ക്യാമറ രാജവേൽ മോഹനാണ്. എക്സിക്യൂട്ടീവ് പ്രൊഡ്യൂസർ: രവി മാത്യു. എഡിറ്റർ: അർജുൻ ബെൻ. പ്രൊഡക്ഷൻ കൺട്രോളർ: ഷെബീർ മലവട്ടത്ത്. കലാസംവിധാനം: രാഖിൽ.
കോസ്റ്റ്യൂം: സുജിത്ത്. മേക്കപ്പ്: റോണക്സ്. ടൈറ്റിൽ ഡിസൈൻ: പാലായി ഡിസൈൻസ്. ഡിസൈനർ: ജിസൻ പോൾ. പിആർഒ: മഞ്ജു ഗോപിനാഥ്, വാഴൂർ ജോസ്. മാർക്കറ്റിംഗ്: കണ്ടന്റ് ഫാക്ടറി. സ്റ്റിൽസ്: സന്തോഷ് പട്ടാമ്പി. അയ്യപ്പൻ മൂവീസാണ് ചിത്രം വിതരണം ചെയ്യുന്നത്.