ജൂഡ് ആന്തണി ജോസഫ് സംവിധാനം ചെയ്ത 2018 എന്ന ചിത്രം റിക്കാർഡ് കളക്ഷനുമായി മുന്നേറുന്നു. പ്രളയം ഇതിവൃത്തമാക്കി ഒരുക്കിയ ചിത്രം റിലീസ് ചെയ്ത് നാലു ദിവസം പിന്നീടുന്പോൾ ഇതുവരെ നേടിയത് 32 കോടിയാണ്. ചിത്രത്തിന്റെ നാലുദിവസത്തെ ആഗോള കളക്ഷൻ തുകയാണിത്.
കഴിഞ്ഞ മൂന്ന് ദിവസങ്ങളിലായി കേരളത്തിൽ നിന്നും മാത്രം ലഭിച്ചത് ഒൻപതുകോടി രൂപയാണ്. 9.3 കോടി യുഎഇ കളക്ഷനായി നേടി. ആദ്യ ദിനം 1.85 കോടി രൂപയായിരുന്നു ചിത്രത്തിന്റെ കളക്ഷൻ. രണ്ടാം ദിവസം ഏകദേശം 3.5 കോടി രൂപയും. ശനിയാഴ്ച അർധരാത്രി മാത്രം 67 സ്പെഷൽ ഷോകളാണ് കേരളത്തിലുടനീളം നടന്നത്.
#2018Movie - 32 crs. gross collection in just 4 days worldwide... BREAK-EVEN done & dusted... Into the profit in FULL POWER...
— AB George (@AbGeorge_) May 9, 2023
ATBB Opening 🙏
ഇതോടെ ഒടിടി, സാറ്റ്ലൈറ്റ്, തിയറ്റർ ഷെയർ, ഓവർസീസ് ഷെയർ എന്നിവയിൽ നിന്നും സിനിമ സാമ്പത്തികമായും ലാഭമായി കഴിഞ്ഞു. ജൂഡ് ആന്തണി ജോസഫിന്റെ കരിയറിലെ ഏറ്റവും വലിയ ഹിറ്റായിരിക്കും 2018.
Clarification: total budget recovered from OTT + Satellite + Theatre share + Overseas share % by yesterday... Producers into the profit zone from Today... Theatrical break-even status by next Sunday as per this trend...#2018Movie https://t.co/50YszJ1jra
— AB George (@AbGeorge_) May 9, 2023
വൻ താരനിരയുണ്ടായിട്ടും വലിയ പ്രമോഷനൊന്നുമില്ലാതെ ഒന്നുമില്ലാതെ തിയറ്ററുകളിൽ എത്തിയ ചിത്രമാണ് 2018. ടൊവിനോ തോമസ്, ആസിഫ് അലി, കുഞ്ചാക്കോ ബോബൻ, ഇന്ദ്രൻസ്, വിനീത് ശ്രീനിവാസൻ, ലാൽ, നരേൻ, അപർണ ബാലമുരളി, അജു വർഗീസ് തുടങ്ങിയ താരങ്ങളാണ് ചിത്രത്തിൽ വേഷമിടുന്നത്.
അഖിൽ പി. ധർമജൻ തിരക്കഥ ഒരുക്കിയ ചിത്രത്തിന്റെ ഛായാഗ്രഹണം നിർവഹിച്ചത് അഖിൽ ജോർജാണ്. ചമൻ ചാക്കോ ചിത്രസംയോജനം. നോബിൻ പോളിന്റേതാണ് സംഗീതം. വിഷ്ണു ഗോവിന്ദ് സൗണ്ട് ഡിസൈൻ. ക്യാവ്യാ ഫിലിംസ്, പികെ പ്രൈം പ്രൊഡക്ഷൻസ് എന്നിവയുടെ ബാനറിൽ വേണു കുന്നപ്പള്ളി, സി.കെ. പത്മകുമാർ, ആന്റോ ജോസഫ് എന്നിവരാണ് നിർമാണം.