നവാഗത സംവിധായകൻ മർഫി ദേവസി സംവിധാനം ചെയ്യുന്ന നല്ല നിലാവുള്ള രാത്രി എന്ന ചിത്രത്തിന്‍റെ ട്രെയിലർ പുറത്തിറക്കി. സാന്ദ്രാ തോമസ് പ്രൊഡക്‌ഷൻസിന്‍റെ ബാനറിൽ സാന്ദ്ര തോമസ്, വിൽസൻ തോമസ് എന്നിവരാണ് ചിത്രം നിർമിക്കുന്നത്.
ത്രില്ലർ ചിത്രത്തിൽ ചെമ്പൻ വിനോദ് ജോസ്, ബാബുരാജ്, ജിനു ജോസഫ്, ബിനു പപ്പു, റോണി ഡേവിഡ് രാജ്, ഗണപതി, നിതിൻ ജോർജ്, സജിൻ ചെറുകയിൽ എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്.
സ്ത്രീകഥാപാത്രങ്ങൾ ആരും തന്നെ ഇല്ലാത്ത ഒരു സിനിമ എന്ന പ്രത്യേകതയും നല്ല നിലാവുള്ള രാത്രിക്കുണ്ട്. അജയ് ഡേവിഡ് കാച്ചപ്പിള്ളിയാണ് ചിത്രത്തിന്‍റെ ഛായാഗ്രഹണം. തിരക്കഥ , സംഭാഷണം: മർഫി ദേവസ്സി, പ്രഭുൽ സുരേഷ്. എഡിറ്റർ : ശ്യാം ശശിധരൻ. പ്രൊഡക്‌ഷൻ കൺട്രോളർ: ഡേവിഡ്സൺ സി.ജെ. ക്രിയേറ്റിവ് ഹെഡ്: ഗോപികാ റാണി.
സംഗീതം: കൈലാസ് മേനോൻ, സ്റ്റണ്ട്: രാജശേഖരൻ. ആർട്: ത്യാഗു തവനൂർ. വസ്ത്രാലങ്കാരം: അരുൺ മനോഹർ. മേക്കപ്പ്: അമൽ. ചീഫ് അസ്സോസിയേറ്റ്: ദിനിൽ ബാബു. ഡിസൈൻസ്: യെല്ലോ ടൂത്ത്‌. ചിത്രം ഈ മാസം തിയറ്ററുകളിലെത്തും.
