വ്യത്യസ്തമായ മൂന്ന് പ്രണയങ്ങളുടെ കഥ പറയുന്ന അനുരാഗം എന്ന ചിത്രം മേയ് അഞ്ചിന് തീയറ്ററുകളിൽ എത്തും. ഷഹാദ് സംവിധാനം ചെയ്യുന്ന ഈ ചിത്രം കോമഡി-കുടുംബ പശ്ചാത്തലത്തിലാണ് ഒരുക്കിയിരിക്കുന്നത്.
നെഞ്ചിനകത്ത് ലാലേട്ടൻ എന്ന ഗാനത്തിലൂടെ ശ്രദ്ധേയനായ അശ്വിൻ ജോസാണ് ചിത്രത്തിലെ കേന്ദ്ര കഥാപാത്രത്തെ അവതരിപ്പിക്കുന്നത്. ചിത്രത്തിന്റെ തിരക്കഥയും അശ്വിന്റേതാണ്. സത്യം സിനിമാസിന്റെ ബാനറിൽ എൻ. സുധീഷും പ്രേമചന്ദ്രൻ എം.ജിയും ചേർന്നാണ് ചിത്രം നിർമിക്കുന്നത്.
96 എന്ന ചിത്രത്തിലൂടെ പ്രേക്ഷക പ്രീതി നേടിയ ഗൗരി കിഷനും നടി ഷീലയും ചിത്രത്തിൽ സുപ്രധാന വേഷത്തിൽ എത്തുന്നുണ്ട്. തെന്നിന്ത്യൻ സംവിധായകൻ ഗൗതം വാസുദേവ് മേനോൻ, ജോണി ആന്റണി, ലെന, ദുർഗ കൃഷ്ണ ജാഫർ ഇടുക്കി, സുധീഷ്, മണികണ്ഠൻ പട്ടാമ്പി, എന്നിവരും താരനിരയിലുണ്ട്.
മനു മഞ്ജിത്തിന്റെ വരികൾക്ക് ജോയൽ ജോയ്സാണ് ഈണം പകർന്നിരിക്കുന്നത്.
പ്രശസ്ത തമിഴ് ഛായാഗ്രാഹകൻ സുരേഷ് ഗോപിയാണ് ദൃശ്യങ്ങൾ പകർത്തിയിരിക്കുന്നത്. എഡിറ്റിംഗ് - ലിജോ പോൾ.