ഗുഡ്ലൈൻ പ്രൊഡക്ഷൻസിന്റെ ബാനറിൽ എം.കെ.നാസർ നിർമിച്ച് മനോജ് വാസുദേവ് സംവിധാനം ചെയ്യുന്ന "ഖജുരാവോ ഡ്രീംസ്' എന്ന ചിത്രത്തിന്റെ ട്രെയിലർ റിലീസ് ചെയ്തു. ക്ഷേത്ര നഗരമായ ഖജുരാവോയിലേക്ക് അഞ്ചംഗ യുവ സംഘം നടത്തുന്ന യാത്രയാണ് ചിത്രത്തിന്റെ പ്രമേയം.
അർജുൻ അശോകനാണ് ചിത്രത്തിലെ നായകൻ. യുവതാരങ്ങളായ ശ്രീനാഥ് ഭാസി, ധ്രുവൻ, ഷറഫുദ്ദീൻ, അതിഥി രവി എന്നിവരാണ് മറ്റ് കേന്ദ്ര കഥാപാത്രങ്ങളെ അവതരിപ്പിക്കുന്നത്. ജോണി ആന്റണി, സോഹൻ സീനുലാൽ, സാദിഖ്, വർഷ വിശ്വനാഥ്, നേഹാ സക്സേനാ, നസീർ ഖാൻ, അശോക് എന്നിവരും താരനിരയിലുണ്ട്.
പ്രശസ്ത തിരക്കഥാകൃത്ത് സേതുവാണ് ചിത്രത്തിന്റെ രചന നിർവഹിച്ചിരിക്കുന്നത്. ഛായാഗ്രഹണം പ്രദീപ് നായർ. ഹരിനാരായണൻ എഴുതിയ പാട്ടുകൾക്ക് സംഗീതം നൽകിയിരിക്കുന്നത് ഗോപി സുന്ദറാണ്. എഡിറ്റിംഗ് ലിജോ പോൾ നിർവഹിച്ചിരിക്കുന്നത്.
ആശിർവാദ് സിനിമാസാണ് ചിത്രം തീയറ്ററുകളിൽ എത്തിക്കുന്നത്.