ഓടക്കുഴൽ കലാകാരൻ പി.ആർ.സുരേഷ് (60) അന്തരിച്ചു. സ്ട്രോക്കിനെ തുടർന്ന് കൊച്ചിയിലെ സ്വകാര്യ ആശുപത്രിയിൽ ചികിത്സയിലായിരുന്നു. ഗായിക അമൃത സുരേഷിന്‍റെ പിതാവാണ്. അമൃത തന്നെയാണ് പിതാവിന്‍റെ വിയോഗ വാർത്ത സമൂഹമാധ്യമത്തിലൂടെ അറിയിച്ചത്.
മൃതദേഹം ചക്കരപ്പറമ്പിലെ കെന്‍റ് നാലുകെട്ടിൽ ബുധനാഴ്ച11 വരെ പൊതുദർശനത്തിനു വയ്ക്കും. ശേഷം പച്ചാളം ശ്മശാനത്തിൽ സംസ്കരിക്കും. ഭാര്യ: ലൈല സുരേഷ്. ഗായിക അഭിരാമി സുരേഷാണ് ഇളയ മകൾ. സംഗീതസംവിധായകൻ ഗോപി സുന്ദർ മരുമകനാണ്.
