അമ്മയാകാൻ ഒരുങ്ങുന്നുവെന്ന വാർത്ത പങ്കുവച്ച് നടി ഇല്യാന ഡിക്രൂസ്. ഇൻസ്റ്റഗ്രാമിലൂടെയാണ് താൻ ഗർഭിണിയാണെന്ന് നടി ആരാധകരെ അറിയിച്ചത്. എന്റെ കുഞ്ഞ് ഡാർലിംഗ് ഉടൻ വരുന്നു, കാത്തിരിക്കാൻ വയ്യ എന്നാണ് കുഞ്ഞുടുപ്പിന്റെ ചിത്രം പങ്കുവച്ച് താരം കുറിച്ചത്.
സാഹസികതയ്ക്കു തുടക്കമാവുകയാണെന്ന് എഴുതിയ വസ്ത്രത്തിന്റെ ചിത്രവും മമ്മ എന്നെഴുതിയ ലോക്കറ്റിന്റെയും ചിത്രവും താരം പങ്കുവച്ചു.
സൂപ്പര് ഹിറ്റ് തെലുങ്ക് ചിത്രങ്ങളായ പോക്കിരി, ജല്സ, കിക്ക് തുടങ്ങിയവയിലൂടെ ഒരുകാലത്ത് തെന്നിന്ത്യയിലെ താരറാണിയായിരുന്ന നടിയാണ് ഇല്യാന. അനുരാഗ് ബസു സംവിധാനം ചെയ്ത സൂപ്പര് ഹിറ്റ് ചിത്രം ബര്ഫിയിലൂടെ ബോളിവുഡിലും അരങ്ങേറ്റം നടത്തി.
ബാദ്ഷാവോ, റെയ്ഡ്, ഹാപ്പി എൻഡിങ് തുടങ്ങിയ ഹിന്ദി ചിത്രങ്ങളിലൂടെ ബോളിവുഡിലും ശ്രദ്ധേയായി. 2021 ൽ റിലീസ് ചെയ്ത ദ് ബിഗ് ബുള്ളിലാണ് അവസാനം പ്രത്യക്ഷപ്പെട്ടത്.
കുഞ്ഞിന്റെ അച്ഛനാരെന്നുള്ളത് ഇല്ല്യാന വെളിപ്പെടുത്തിയിട്ടില്ല. നേരത്തെ ഇല്യാന ഓസ്ട്രേലിയൻ ഫോട്ടോഗ്രാഫർ ആൻഡ്രൂ നീബോണുമായി പ്രണയത്തിലായിരുന്നു. എന്നാൽ 2019ൽ അവർ വേർപിരിഞ്ഞിരുന്നു. ശേഷം കത്രീന കൈഫിന്റെ സഹോദരൻ സെബാസ്റ്റ്യനുമായി പ്രണയത്തിലായിരുന്നു എന്ന് വാർത്തകൾ പരന്നിരുന്നു.