നടൻ ഷൈൻ ടോം ചാക്കോയുടെ സഹോദരിയുടെ വിവാഹനിശ്ചയമായിരുന്നു കഴിഞ്ഞ ദിവസം. ചടങ്ങിൽ എല്ലാക്കാര്യത്തിലും ഓടി നടന്ന് കാര്യങ്ങൾ ചെയ്യുന്ന ഷൈനിന്റെ വീഡിയോയാണ് ഇപ്പോൾ സമൂഹമാധ്യമത്തിൽ വൈറലാകുന്നത്.
അതിഥികളെ സ്വീകരിച്ചും ചടങ്ങിലെ കാര്യങ്ങളെല്ലാം കൃത്യമായി നോക്കിയും ഷൈൻ കുഞ്ഞനിയത്തിയുടെ മനസമ്മതചടങ്ങിൽ തിളങ്ങി. നടൻ ദിലീപും ചടങ്ങിൽ അതിഥിയായിരുന്നു.
റിയ മേരി ചാക്കോ എന്നാണ് ഷൈനിന്റെ സഹോദരിയുടെ പേര്. ചെന്നൈയിൽ സ്ഥിരതാമസമാക്കിയിരിക്കുന്ന വിശാൽ ബെന്നെറ്റ് സാമുവൽ ആണ് വരൻ. മുണ്ടൂർ മൗണ്ട് കാര്മൽ പള്ളിയിൽ വച്ചായിരുന്നു മനസമ്മതം. പിന്നീട് കൈപ്പറമ്പുള്ള മൂൺലൈറ്റ് പാലസ് ഓഡിറ്റോറിയത്തിൽ വച്ച് റിസപ്ഷനും നടന്നു.
തന്റെ പുറകേ തന്നെ കൂടിയ ക്യാമറക്കണ്ണുകളെ ചെറുതായി ശകാരിക്കുകയും ചെയ്തു ഷൈൻ. എപ്പോഴും എന്റെ പിന്നാലെ നടക്കുന്നത് ശരിയല്ല. പെങ്ങളുടെ കല്യാണത്തിന് ഞാന് അങ്ങോട്ടും ഇങ്ങോട്ടും ഓടി എന്നൊക്കെ വരും. ഒരു സ്ഥലത്ത് അടങ്ങി ഇരിക്കാനൊന്നും പോവുന്നില്ല ഞാന്. അതുവെച്ച് നിങ്ങള് റേറ്റിംഗുണ്ടാക്കരുത്. പുറകെക്കൂടിയ ക്യാമറ ടീമിനോട് ഷൈന് പറയുന്നുണ്ടായിരുന്നു.
പ്രശോഭ് വിജയൻ സംവിധാനം ചെയ്ത അടി എന്ന ചിത്രമാണ് ഒടുവിൽ റിലീസ് ചെയ്ത ഷൈൻ ടോം ചിത്രം.