മണപ്പുറം ഡിക്യുയുഇ മിസ് ക്യൂന് കേരള 2023 കിരീടം ലിവ്യ ലിഫിയ്ക്ക്. ടി. റോസ്മിന് ഫസ്റ്റ് റണ്ണറപ്പും ഹര്ഷ ശ്രീകാന്ത് സെക്കൻഡ് റണ്ണറപ്പുമായി. കൊച്ചി ലെ മെറിഡിയനില് നടന്ന ചടങ്ങില് വിജയിയെ സാജ് ഗ്രൂപ്പ് ഓഫ് കമ്പനീസ് സിഎംഡി സാജന് വര്ഗീസ് കിരീടം അണിയിച്ചു.
ഫസ്റ്റ് റണ്ണപ്പിനെ, സി.കെ. കുമരവേല് (സിഇഒ ആൻഡ് കോ ഫൗണ്ടര് ഓഫ് നാച്ചുറല് സലൂണ് ആന്ഡ് സ്പാ , സെക്കന്ഡ് റണ്ണപ്പ് വിജയിയെ എ. ചന്ദ്രശേഖര് (എംഡി അനിത ടെക്സ്കോ പ്രൈവറ്റ് ലിമിറ്റഡ്) എന്നിവര് കിരീടമണിയിച്ചു.
പെഗാസസ് ചെയര്മാന് അജിത് രവി, ചടങ്ങില് സന്നിഹിതനായിരുന്നു. സംസ്ഥാനത്തുടനീളമുള്ള അപേക്ഷകരില് നിന്നും തെരഞ്ഞെടുത്ത 16 മത്സരാര്ഥികളാണ് മിസ് കേരള മത്സരത്തിലെ റാംപില് അണിനിരന്നത്.
യെല്ലോ ഇന്ത്യന് എത്നിക് വെയര്, ബ്ലാക്ക് കോക്റ്റൈല്, വൈറ്റ് ഗൗണ് എന്നിങ്ങനെ മൂന്ന് റൗണ്ടുകളിലായാണ് മത്സരം പുരോഗമിച്ചത്.