ആഫ്രിക്കയിൽ കുടുംബസമേതം അവധി ആഘോഷിക്കുന്ന നടൻ ടൊവീനോ തോമസിന്റെ ചിത്രങ്ങൾ സൂഹമാധ്യമങ്ങളിൽ വൈറലാണ്. ഇപ്പോഴിതാ ലോകത്തെ ഏറ്റവും വലിയ വെള്ളച്ചാട്ടങ്ങളിൽ ഒന്നായ വിക്റ്റോറിയ വെള്ളച്ചാട്ടത്തിനു മുകളിൽ നിന്നും താഴേക്ക് ചാടുന്ന ടൊവിനോയുടെ അഭ്യാസമാണ് ട്രെൻഡിംഗായിരിക്കുന്നത്.
വിദഗ്ധരുടെ സഹായത്തോടെ ബഞ്ചി ജമ്പിംഗ് ചെയ്യുകയാണ് താരം. ഒരുപാട് ഉയരമുള്ള സ്ഥലത്തിനു നിന്ന് സുരക്ഷാക്രമീകരണങ്ങളോടെ ചാടുന്ന വിനോദമാണ് ബഞ്ചി ജമ്പിംഗ്. വളരെയധികം ഉയരത്തിൽ നിന്നാണ് ചാടുന്നതെങ്കിലും ടൊവിനോയുടെ മുഖത്ത് അതിന്റേതായ യാതൊരു പേടിയുമില്ല. ആ നിമിഷം നല്ല രീതിയിലാണ് ആസ്വദിക്കുകയാണ് ടൊവീനോ. മിന്നൽ മുരളി ചിത്രത്തിലെ തീം സോംഗാണ് വിഡിയോയ്ക്ക് പശ്ചാത്തലമായി നൽകിയത്.
ഒരു വീഴ്ചയിൽ നിന്നാണ് ഉയർച്ചയുടെ തുടക്കമെന്ന് ബുദ്ധിമാനായ ആരോ പറഞ്ഞിട്ടുണ്ട്. അതുകൊണ്ട് ഇപ്പോൾ ഞാൻ വീഴ്ച എന്ന ആർട്ട് പഠിക്കുകയാണ്, ഒരിക്കൽ എനിക്ക് പറക്കാൻ കഴിയും എന്ന വിശ്വാസത്തിൽ. ലോകത്തിലെ ഏറ്റവും വലിയ വെള്ളച്ചാട്ടമായ വിക്റ്റോറിയ ഫാൾസിൽ നിന്നുള്ള ചാട്ടം. സിംബാബ്വെയിൽ നിന്ന് ചാടി സാംബിയയിൽ പൊങ്ങി. ടൊവീനോ കുറിച്ചു.