ഇൻസ്റ്റ്ഗ്രാമിൽ മാസ് എൻട്രിയുമായി നടൻ. ആക്ടർ വിജയ് എന്ന പേരിലാണ് താരം ഇൻസ്റ്റഗ്രാം അക്കൗണ്ട് തുടങ്ങിയിരിക്കുന്നത്. ഒറ്റ ദിവസം കൊണ്ട് 40 ലക്ഷം ഫോളോവേഴ്സാണ് താരത്തിനെ തേടിയെത്തിയത്. എന്നാൽ വിജയ് ഇതുവരയെും ആരെയും ഫോളോ ചെയ്തിട്ടില്ല.
ഹലോ നന്പാസ് ആന്ഡ് നന്പീസ് എന്ന കുറിപ്പോടെ പുതിയ ചിത്രമായ ലിയോയുടെ ലുക്കിലാണ് താരം ആദ്യ ചിത്രം പോസ്റ്റ് ചെയ്തത്. ചിത്രത്തിന് മാത്രമായി ഇതുവരെ 42 ലക്ഷം ലൈക്കുകളാണ് ലഭിച്ചിരിക്കുന്നത്.
ലോകേഷ് കനകരാജ് സംവിധാനം ചെയ്യുന്ന ലിയോയിലാണ് താരം ഇപ്പോൾ അഭിനയിക്കുന്നത്. തൃഷ, സഞ്ജയ് ദത്ത്, അർജുൻ, പ്രിയ ആനന്ദ്, മിഷ്കിൻ, ഗൗതം മേനോൻ, മൻസൂർ അലി ഖാൻ തുടങ്ങിയ വമ്പൻ താരനിരയാണ് ചിത്രത്തിൽ ഉള്ളത്. മാസ്റ്ററിന് ശേഷം വിജയിയും ലോകേഷും ഒന്നിക്കുന്ന ചിത്രം എന്ന പ്രത്യേകതയും ലിയോക്കുണ്ട്.