പ്രശസ്ത സംവിധായകരായ സന്തോഷ് ശിവന്‍റെ സംഗീത് ശിവന്‍റെയും ഇളയസഹോദരൻ സഞ്ജീവ് ശിവൻ സംവിധായകനാകാനൊരുങ്ങുന്നു. ഡോക്യുമെന്‍ററി ഫീച്ചർ ഫിലിം, ഷോട്ട് ഫിലിം എന്നിവയിലൂടെ ശ്രദ്ധേയനാണ് സഞ്ജീവ്. ഒഴുകി ഒഴുകി ഒഴുകി എന്നാണ് ചിത്രത്തിന്‍റെ പേര്.
സഞ്ജിവിന്‍റെ മകൻ സിദ്ധാൻഷു സഞ്ജീവ് ശിവനാണ് ചിത്രത്തിലെ കേന്ദ കഥാപാത്രമായ പന്ത്രണ്ടു വയസ്സുകാരനെ അവതരിപ്പിക്കുന്നത്. സൗബിൻ ഷാഹിർ, നരേൻ, നന്ദു, യദുകൃഷ്ണൻ, കൊച്ചുപ്രേമൻ, അഞ്ജന അപ്പുക്കുട്ടൻ എന്നിവരും പ്രധാന താരങ്ങളാണ്.
ബി.ആർ. പ്രസാദാണ് ചിത്രത്തിന്‍റെ തിരക്കഥ ഒരുക്കിയിരിക്കുന്നത്. റസൂൽ പൂക്കുട്ടിയാണ് ചിത്രത്തിന്‍റെ ശബ്ദമിശ്രണം നടത്തുന്നത്. ബോളിവുഡ് സംഗീത സംവിധായകനായ തോമസ് കാൻഡിലനാണ് ഈ ചിത്രത്തിന്‍റെ സംഗീത സംവിധായകൻ.
മനോജ് പിള്ളയാണ് ഛായാഗ്രാഹകൻ. എഡിറ്റർ ശീകർ പ്രസാദ്. ദീപ്തി ശിവനാണ് ഈ ചിത്രം നിർമിക്കുന്നത്.
