ഉർവശി, ഭാവന, ഹണിറോസ് എന്നിവരെ നായികമാരാക്കി ശങ്കർ രാമകൃഷ്ണൻ സംവിധാനം ചെയ്യുന്ന റാണി എന്ന ചിത്രത്തിന്‍റെ ഫസ്റ്റ്ലുക്ക് പുറത്തിറങ്ങി. മഞ്ജു വാര്യറാണ് ചിത്രത്തിന്‍റെ ഫസ്റ്റ് ലുക്ക് പുറത്തിറക്കിയത്. ശങ്കർ രാമകൃഷ്ണൻ തന്നെയാണ് ചിത്രത്തിന്‍റെ തിരക്കഥ ഒരുക്കുന്നത്.
കഴിഞ്ഞ കുറച്ച് വര്‍ഷങ്ങളായി എനിക്ക് അറിയാവുന്ന ഒരു പ്രൊജക്റ്റാണ് "റാണി'. അത് യാഥാര്‍ഥ്യമാകുന്നുവെന്ന് അറിയുന്നതില്‍ വലിയ സന്തോഷം തോന്നുന്നു. ഈ വിസ്‍മയകരമായ ചിത്രത്തിന് എല്ലാവിധ ആശംസകളും. മഞ്ജു വാര്യര്‍ കുറിച്ചു.
മാലാപാർവതി, അനുമോൾ, ഇന്ദ്രൻസ്, ഗുരു സോമസുന്ദരം, മണിയൻപിള്ള രാജു, അശ്വിൻ ഗോപിനാഥ്, കൃഷ്ണൻ ബാലകൃഷ്ണൻ, അമ്പി നീനസം, അശ്വത് ലാൽ, നിയതി കാദമ്പി തുടങ്ങിയവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നു.
മേന മേലത്ത് ആണ് ഗാനങ്ങൾ എഴുതി സംഗീതം നൽകിയിരിക്കുന്നത്. തമിഴ് വരികൾ എഴുതിയിരിക്കുനന്ത് കോദൈ അരുൺ. വിനായക് ഗോപാൽ ആണ് ഛായാഗ്രഹണം. എഡിറ്റിംഗ് അപ്പു ഭട്ടതിരി.
