മഞ്ജു വാര്യരും സൗബിൻ ഷാഹീറും പ്രധാനവേഷത്തിലെത്തുന്ന വെള്ളരിപ്പട്ടണം എന്ന ചിത്രത്തിന്‍റെ ട്രെയിലർ പുറത്തിറങ്ങി. പഞ്ചായത്ത് മെന്പർ സുനന്ദയായി മഞ്ജു എത്തുന്പോൾ സഹോദരനായി സൗബിൻ എത്തുന്നു.
മുഴുനീള കോമഡി എന്‍റർടെയ്ൻമെന്‍റ് ചിത്രമാകുമിതെന്നാണ് ട്രെയിലർ നൽകുന്ന സൂചന. മഹേഷ് വെട്ടിയാറാണ് ചിത്രം സംവിധാനം ചെയ്യുന്നത്. മാധ്യമപ്രവര്‍ത്തകനായ ശരത്കൃഷ്ണയും സംവിധായകനും ചേര്‍ന്നാണ് രചന.
സലിംകുമാര്‍, സുരേഷ്‌കൃഷ്ണ, കൃഷ്ണശങ്കര്‍, ശബരീഷ് വര്‍മ, അഭിരാമി ഭാര്‍ഗവന്‍, കോട്ടയം രമേശ്, മാലപാര്‍വതി, വീണനായര്‍, പ്രമോദ് വെളിയനാട് തുടങ്ങിയവരാണ് വെള്ളരിപട്ടണത്തിലെ മറ്റു പ്രധാന അഭിനേതാക്കള്‍. ഫുള്‍ ഓണ്‍ സ്റ്റുഡിയോസിന്‍റെ ബാനറിലാണ് ചിത്രത്തിന്‍റെ നിർമാണം.
