യുക്മ നോർത്ത് വെസ്റ്റ് റീജിയൻ 2017- 19 വർഷത്തെ പ്രവർത്തനോദ്ഘാടനം

ബോൾട്ടൻ: യുക്മ നോർത്ത് വെസ്റ്റ് റീജിയന്‍റെ ചരിത്രത്തിൽ ഇദംപ്രദമമായി 2017 19 വർഷങ്ങളിലെ പ്രവർത്തനങ്ങളുടെ ഉദ്ഘാടനം യുക്മ ദേശീയ അദ്ധ്യക്ഷൻ മാമ്മൻ ഫിലിപ്പ് ഉദ്ഘാടനം ചെയ്തു. യുകെ മലയാളി സമൂഹം നെഞ്ചിലേറ്റിയ യുക്മയെന്ന പ്രസ്ഥാനം കഴിഞ്ഞകാലങ്ങളിൽ ചെയ്തു വന്നിരുന്ന നല്ല പ്രവർത്തനങ്ങൾ കൂടുതൽ കാര്യക്ഷമമായി മുന്നോട്ടു കൊണ്ടു പോകുന്നതിനൊപ്പം യുകെയിലെ മലയാളി സമൂഹത്തിനും പ്രത്യേകിച്ച് നമ്മുടെ കുട്ടികൾക്കും, യുവാക്കൾക്കും ഉപകാരപ്രദമായ നൂതന ആശയങ്ങളും പദ്ധതികളും, ചാരിറ്റി പ്രവർത്തനങ്ങളും പ്രവർത്തിപഥത്തിലെത്തിക്കുവാനാണ് തന്‍റെ നേതൃത്വത്തിലുള്ള ഭരണസമിതി ഉദ്ദേശിക്കുന്നതെന്ന് വ്യക്തമാക്കി. യുക്മ നോർത്ത് വെസ്റ്റ് റീജിയന്‍റെ പ്രവർത്തനോദ്ഘാടനം നിർവഹിച്ച് സംസാരിക്കുകയായിന്നു മാമ്മൻ ഫിലിപ്പ്.

തുടർന്ന് യുക്മ പ്രസിഡന്‍റ് മാമ്മൻ ഫിലിപ്പ് ഭദ്രദീപം കൊളുത്തി യോഗം ഉദ്ഘാടനം ചെയ്തു. യുക്മ നോർത്ത് വെസ്റ്റ് റീജിയൻ പ്രസിഡന്‍റ് ഷീജോ വർഗ്ഗീസ് അദ്ധ്യക്ഷത വഹിച്ച യോസത്തിന് സെക്രട്ടറി തങ്കച്ചൻ എബ്രഹാം സ്വാഗതവും യുക്മ നാഷണൽ ട്രഷറർ അലക്സ് വർഗ്ഗീസ്, ജോയിന്‍റ് സെക്രട്ടറി സിന്ധു ഉണ്ണി, ദേശീയ സമിയംഗം തന്പി ജോസ് തുടബിയവർ ആശംകളും അർപ്പിച്ചു. റീജിയൻ വൈസ് പ്രസിഡന്‍റ്് ഷാജി തോമസ് വരാക്കുടി, ജോയിന്‍റ് സെക്രട്ടറി ഹരികുമാർ പി.കെ, ട്രഷറർ എബി, സ്പോർട്സ് കോഡിനേറ്റർ സാജു കാവുങ്ങ തുടങ്ങിയവർ സംബന്ധിച്ചു.

ഭാഗ്യക്കുറി ടിക്കറ്റുകളുടെ വിപ്പനയുടെ ഉദ്ഘാടനം മുൻ ബോൾട്ടൻ മലയാളി അസോസിയേഷൻ പ്രസിഡൻറും യുക്മയുടെ നോർത്ത് വെസ്റ്റ് റീജിയന്‍റെ സ്ഥാപക നേതാക്കളിലൊരാളുമായ ഫിലിപ്പ് കൊച്ചിട്ടിക്ക് ടിക്കറ്റ് കൈമാറി യുക്മ പ്രസിഡൻറ് നിർവ്വഹിച്ചു.

റിപ്പോർട്ട്: അലക്സ് വർഗീസ്