നാച്ചുറൽ സ്റ്റാർ നാനിയെ നായകനാക്കി നവാഗതനായ ശ്രീകാന്ത് ഒഡേല സംവിധാനം ചെയ്യുന്ന ബിഗ് ബജറ്റ് ചിത്രം ദസറയുടെ ട്രെയിലർ പുറത്തിറങ്ങി. വൻ ഗെറ്റപ്പിലാണ് ചിത്രത്തിൽ നാനി എത്തുന്നത്. കീർത്തി സുരേഷ് ആണ് ചിത്രത്തിൽ നായിക.
തെലങ്കാനയിലെ ഗോദാവരിക്കാനി അയൽപക്കത്ത് സ്ഥിതി ചെയ്യുന്ന വീർലപ്പള്ളി ഗ്രാമത്തിലെ ജനങ്ങളുടെ ജീവിതമാണ് ട്രെയിലറിൽ കാണിക്കുന്നത്. തെലുങ്ക്, തമിഴ്, കന്നഡ, മലയാളം, ഹിന്ദി ഭാഷകളിൽ പുറത്തിറങ്ങുന്ന ചിത്രം മാർച്ച് 30 ന് റിലീസ് ചെയ്യും.
ഷൈൻ ടോം ചാക്കോ വില്ലന്റെ വേഷത്തിൽ ചിത്രത്തിലെത്തുന്നു. തെലുങ്ക് നടൻ സായ് കുമാർ, ധീക്ഷിത് ഷെട്ടി, സമുദ്രക്കനി, സായ് കുമാർ, സറീന വഹാബ് എന്നിവരാണ് മറ്റ് അഭിനേതാക്കള്. ഛായാഗ്രഹണം സത്യൻ സൂര്യൻ. എഡിറ്റർ നവീൻ നൂലി.