ഭീമൻ രഘു ആദ്യമായി സംവിധാനം ചെയ്യുന്ന ചിത്രം ചാണ റിലീസിനൊരുങ്ങുന്നു. ചിത്രം മാർച്ച് 17ന് തിയറ്ററുകളിലെത്തും. ഭീമൻ രഘു തന്നെയാണ് ചിത്രത്തിലെ പ്രധാന കഥാപാത്രത്തെ അവതരിപ്പിക്കുന്നത്.
ഉപജീവനത്തിനായി തെങ്കാശിയിൽ നിന്നും കേരളത്തിലെത്തുന്ന ഒരാളുടെ കഥയാണ് ചിത്രം പറയുന്നത്. പുതുമുഖം മീനാക്ഷി ചന്ദ്രനാണ് ചിത്രത്തിലെ നായിക.
രാമന് വിശ്വനാഥ്, രഘുചന്ദ്രന്, സമ്മോഹ്, സൂരജ് സുഗതന്, കൃഷ്ണന്കുട്ടി നായര്, സനോജ് കണ്ണൂർ, വിഷ്ണു, മുരളീധരന് നായര്, വിഷ്ണു, മണികണ്ഠന്, അജിത്ത്, മീനാക്ഷി ആദിത്യ, സൗമ്യ, സിനി സാനു, ശ്രീറാം, അലൈന എന്നീ ബാലതാരങ്ങളും ചിത്രത്തില് അഭിനയിക്കുന്നുണ്ട്.
സ്വീറ്റി പ്രൊഡക്ഷന്സിന്റെ ബാനറിൽ കെ. ശശീന്ദ്രനാണ് ചിത്രം നിർമിക്കുന്നത്. കഥ, തിരക്കഥ, സംഭാഷണം അജി അയിലറ. ഛായഗ്രഹണം ജെറിന് ജയിംസ്.