അസുരൻ എന്ന ഹിറ്റ് ചിത്രത്തിന് ശേഷം വെട്രിമാരന് സംവിധാനം ചെയ്യുന്ന പുതിയ ചിത്രം ‘വിടുതലൈ’യുടെ ട്രെയിലര് റിലീസ് ചെയ്തു.
സൂരിയും വിജയ് സേതുപതിയുമാണ് ചിത്രത്തിൽ പ്രധാനവേഷത്തിലെത്തുന്നത്. രണ്ടുഭാഗങ്ങളായാണ് ചിത്രം റിലീസ് ചെയ്യുന്നത്. യമോഹന്റെ 'തുണൈവൻ' ചെറുകഥയെ ആസ്പദമാക്കിയാണ് ചിത്രം ഒരുക്കിയിരിക്കുന്നത്. വെട്രിമാരൻ തന്നെയാണ് ചിത്രത്തിനായി തിരക്കഥ ഒരുക്കിയിരിക്കുന്നത്.
ഗൗതം വസുദേവ് മേനോൻ, പ്രകാശ് രാജ്, രാജീവ് മേനോൻ, ഭവാനി ശ്രീ, ചേതൻ തുടങ്ങിയവരാണ് സിനിമയിലെ മറ്റു കഥാപാത്രങ്ങളെ അവതരിപ്പിക്കുന്നത്. വിജയ് സേതുപതിയുടെ മകൻ സൂര്യയും ചിത്രത്തിലൊരു വേഷത്തിലെത്തുന്നു.
ഇളയരാജയാണ് ചിത്രത്തിന് സംഗീതം ഒരുക്കിയിരിക്കുന്നത്. ആര്എസ് ഇന്ഫോടെയ്ന്മെന്റിന്റെ ബാനറില് എല്റെഡ് കുമാറും വി.മണികണ്ഠനും ചേര്ന്നാണ് ചിത്രം നിർമിക്കുന്നത്.