ഉയിരിനെയും ഉലകത്തിനെയും മാറോടച്ച് ചേർത്തുപിടിച്ച് നയൻതാരയും ഭർത്താവ് വിഗ്നേഷ് ശിവനും. കുഞ്ഞുങ്ങളെ ചേർത്തുപിടിച്ച് വിമാനത്താവളത്തിനകത്തേക്ക് പോകുന്ന നയന്‍റെയും വിക്കിയുടെയും വീഡിയോ ഇപ്പോൾ സമൂഹമാധ്യമങ്ങളിൽ വൈറലാണ്.
കുഞ്ഞുങ്ങളുടെ മുഖം മറച്ചുപിടിച്ചാണ് ഇരുവരും പപ്പരാസികൾക്കിടയിലൂടെ കടന്നുപോകുന്നത്. എന്നാൽ തങ്ങളുടെ വീഡിയോ എടുക്കുന്നവരെ ചിരിച്ചുകാണിച്ചാണ് നയൻ വിമാനത്താവളത്തിനകത്തേക്ക് പോകുന്നത്.
ഷാറുഖ് ഖാൻ നായകനാകുന്ന ജവാൻ സിനിമയുടെ ചിത്രീകരണവുമായി ബന്ധപ്പെട്ട് മുംബൈയിൽ എത്തിയതായിരുന്നു നയൻതാര. മുംബൈയിൽ നിന്നും ചെന്നൈയ്ക്കു മടങ്ങുന്നതിനായാണ് മുംബൈ വിമാനത്താവളത്തിൽ ഇവർ എത്തിയത്.
അറ്റ്ലീയാണ് ചിത്രം സംവിധാനം ചെയ്യുന്നത്. ചിത്രത്തിൽ നായികവേഷത്തിലാണ് നയൻതാര എത്തുന്നത്.
