ലോകേഷ് കനകരാജ്- കാര്ത്തി ചിത്രം കൈതിയുടെ ഹിന്ദി റീമേക്ക് ഭോലയുടെ ട്രെയിലർ എത്തി. അജയ് ദേവ്ഗൺ നായകനും സംവിധായകനുമാകുന്ന ചിത്രം മാർച്ച് 30ന് തിയറ്ററിലെത്തും.
അജയ് ദേവ്ഗൺ സംവിധാനം ചെയ്യുന്ന നാലാമത്തെ ചിത്രമാണ് ഭോല. ചിത്രത്തില് അജയ് ദേവ്ഗൺ ആണ് ഡില്ലിയുടെ വേഷത്തിലെത്തുന്നത്. നടി തബുവും ചിത്രത്തില് പ്രധാന വേഷത്തിലെത്തും.
നരേൻ അവതരിപ്പിച്ച ബിജോയ് എന്ന കഥാപാത്രമാണ് ഹിന്ദിയിൽ തബു അവതരിപ്പിക്കുക. അജയ് ദേവ്ഗണിന്റെ കാമുകിയുടെ വേഷത്തിൽ അമല പോൾ എത്തുന്നു. സഞ്ജയ് മിശ്ര, മകരന്ദ് ദേശ്പാണ്ഡെ, ഗജ്രാജ് റാവു എന്നിവരാണ് മറ്റ് അഭിനേതാക്കൾ.