ആടുജീവിതം എന്ന നോവൽ സിനിമയാക്കാനുണ്ടായ കാരണങ്ങളും സാഹചര്യവും ഓർത്തെടുത്ത് സംവിധായകൻ ബ്ലെസി. 2018 മാർച്ച് ഒന്നിന് നടത്തിയ ചിത്രത്തിന്റെ പൂജ വീഡിയോയും ബ്ലസി പങ്കുവച്ചിട്ടുണ്ട്. 2018ൽ തുടങ്ങിയ ചിത്രത്തിന്റെ ഷൂട്ടിംഗ് നാലു വർഷത്തിന് ശേഷം 2022 ജൂലൈയിലാണ് പൂർത്തിയായത്.
നോവലിന്റെ സൃഷ്ടാവ് ബെന്യാമിനും വീഡിയോയിൽ സംസാരിക്കുന്നുണ്ട്. ഗൾഫിൽ ജോലി ചെയ്തിരുന്ന സമയത്താണ് തനിക്ക് സംവിധായകൻ ബ്ലെസിയുടെ വിളി വരുന്നതെന്ന് ബെന്യാമിൻ പറഞ്ഞു. ആടുജീവിതം വായിച്ച സന്തോഷത്തിലായിരുന്നു ആ വിളി.
അതിനുശേഷം നോവൽ സിനിമയാക്കാനുള്ള താത്പര്യം അദ്ദേഹം പ്രകടിപ്പിച്ചെന്നും അതിന് മുമ്പും പല സംവിധായകരും ആടുജീവിതം സിനിമയാക്കുന്നതിനേക്കുറിച്ച് തന്നോട് ആലോചിച്ചിരുന്നെങ്കിലും ബ്ലെസി സാറിന്റെ സമീപനം കൂടുതൽ ആഴത്തിലും ഇഷ്ടത്തോടുംകൂടിയാണെന്ന് മനസിലായെന്നും ബെന്യാമിൻ പറഞ്ഞു.
പൃഥ്വിരാജ് നായകനാകുന്ന ചിത്രത്തിൽ അമല പോളാണ് നായിക. ശോഭാ മോഹനും ചിത്രത്തിലുണ്ട്. എ.ആര്. റഹ്മാനാണ് ചിത്രത്തിന് സംഗീതം നിര്വഹിക്കുന്നത്. കെ.എസ്. സുനിലാണ് ഛായാഗ്രാഹകന്.