കലാഭവൻ ഷാജോണിനെ കേന്ദ്ര കഥാപാത്രമാക്കി ഒരുക്കുന്ന പുതിയ ചിത്രമാണ് സിഐഡി രാമചന്ദ്രൻ റിട്ട. എസ്ഐ. സനൂപ് സത്യനാണ് ചിത്രം സംവിധാനം ചെയ്യുന്നത്.
ഇൻവസ്റ്റിഗേറ്റീവ് ത്രില്ലറായിട്ടാണ് ചിത്രം ഒരുക്കുന്നത്. സർവീസിൽ നിന്നും വിരമിച്ച ക്രൈംബ്രാഞ്ച് എസ്ഐ രാമചന്ദ്രൻ ഏറ്റെടുക്കുന്ന ഒരു കേസാണ് ചിത്രത്തിന്റെ ഇതിവൃത്തം. ബൈജു സന്തോഷ്, സുധീർ കരമന, അനു മോൾ, ഇന്ദ്രൻസ്, പ്രേം കുമാർ,തുളസീദാസ്, വി.കെ. ബൈജു, ബാലാജി ശർമ, മനുരാജ് ബാദുഷാ എന്നിവരും പ്രധാന താരങ്ങളാണ്.
സനൂപ് സത്യൻ, അനീഷ്, വി.ശിവദാസ് എന്നിവരുടേതാണ് തിരക്കഥ. ഗാനങ്ങൾ. - ദീപക് ചന്ദ്രൻ. സംഗീതം - അനു ബി.നായർ.ഛായാഗ്രഹണം - ജോ ക്രിസ്റ്റോ സേവ്യർ. എഡിറ്റിംഗ് - വിഷ്ണു വിശാഖ്.