തെന്നിന്ത്യൻ താരം പ്രഭുദേവയെ നായകനാക്കി പുതിയ ചിത്രം പ്രഖ്യാപിച്ച് ബ്ലൂ ഹിൽ ഫിലിംസ്. നൃത്തത്തിനും സംഗീതത്തിനും പ്രാധാന്യം നൽകി ഒരുക്കുന്ന ചിത്രം സംവിധാനം ചെയ്യുന്നത് എസ്.ജെ. സിനുവാണ്.
തേര്, ജിബൂട്ടി തുടങ്ങിയ ചിത്രങ്ങൾക്ക് ശേഷം സിനു ഒരുക്കുന്ന ചിത്രമാണിത്. ബ്ലൂ ഹിൽ നൈൽ കമ്മ്യൂണിക്കേഷന്റെ ബാന്നറിൽ ജോബി പി സാമാണ് ചിത്രം നിർമിക്കുന്നത്. തേരിന്റെ രചന നിർവഹിച്ച ദിനിൽ.പി.കെ ആണ് ഈ ചിത്രത്തിന്റെയും കഥയും തിരക്കഥയുമൊരുക്കുന്നത്.
ചിത്രത്തിന്റെ മറ്റു താരങ്ങളെയും അണിയറ പ്രവർത്തകരെക്കുറിച്ചുള്ള വിവരങ്ങൾ ഉടനുണ്ടാകും. ജൂണിൽ ചിത്രീകരണം ആരംഭിക്കും. ബ്ലൂ ഹിൽ ഫിലിംസിന്റെ മൂന്നാമത്തെ പ്രൊഡക്ഷൻ ചിത്രം ബിഗ് ബഡ്ജറ്റിലാണ് ഒരുങ്ങുന്നത്.