നോലിമിറ്റ്സ് ഫിലിംസിന്റെ ബാനറിൽ ഷിജു യു.സി. നിർമിക്കുന്ന വയസെത്രയായി മുപ്പത്തി എന്ന ചിത്രത്തിന്റെ ചിത്രീകരണം ആരംഭിച്ചു. പപ്പൻ ടി.നമ്പ്യാരാണ് ചിത്രം സംവിധാനം ചെയ്യുന്നത്. സംസ്ഥാന വനിതാ കമ്മീഷൻ അദ്ധ്യക്ഷ പി.സതീദേവി ഭദ്രദീപം തെളിയിച്ചു.
37 വയസായിട്ടും വിവാഹം നടക്കാത്ത ബ്രിഗേഷ് എന്ന ചെറുപ്പക്കാരന്റെ കഥയാണ് ചിത്ര പറയുന്നത്. പ്രശാന്ത് മുരളിയാണ് ചിത്രത്തിൽ നായകൻ. മെറീനാ മൈക്കിൾ, വൈഷ്ണവി എന്നിവരാണു നായികമാർ.
ഉണ്ണിരാജാ, അരിസ്റ്റോ സുരേഷ്, ജയശങ്കർ, അനൂപ് ചന്ദ്രൻ, മഞ്ജു പത്രോസ്, രമ്യാ സുരേഷ്, ചിത്ര, കലാഭവൻ സരിഗാ എന്നിവരും പ്രധാന വേഷങ്ങളിലെത്തുന്നു. കഥ - ഷിജു.യു.സി. തിരക്കഥ സംഭാഷണം - ഫൈസൽ അബ്ദുള്ള. ഛായാഗ്രഹണം - സമീർ ജിബ്രാൻ. എഡിറ്റിംഗ് - റിയാസ് ബദനി. മാഹി, മൈസൂർ, തലശ്ശേരി, വടകര എന്നിവിടങ്ങളിലായി ചിത്രീകരണം പൂർത്തിയാകും.