പ്രിയങ്ക ചോപ്രയുടെ ഹോളിവുഡ് ചിത്രം ലവ് എഗെയ്ൻ ട്രെയിലർ പുറത്തിറക്കി. പ്രിയങ്കയ്ക്കൊപ്പം സാം ഹ്യൂഗനും പ്രധാന വേഷത്തിലെത്തുന്ന ചിത്രം ഒരു റൊമാന്റിക് കോമഡി ചിത്രമാണ്.
മീര എന്ന കഥാപാത്രത്തെയാണ് പ്രിയങ്ക അവതരിപ്പിക്കുന്നത്. പ്രിയങ്കയുടെ ഭർത്താവ് നിക് ജോനാസും ചിത്രത്തില് ഒരു കാമിയോ വേഷത്തിലെത്തുന്നുണ്ട്.
ജിം സ്ട്രോസ് തിരക്കഥയും സംവിധാനം നിർവഹിച്ചിരിക്കുന്ന ചിത്രം മെയ് 13ന് തിയറ്ററുകളിലെത്തും. സെലിന് ഡിയോണ്, ലിഡിയ വെസ്റ്റ്, റസ്സല് ടോവി, സോഫിയ ബാര്ക്ലേ, അമന്ഡ ബ്ലേക്ക്, സീലിയ ഇമ്രി എന്നിവരാണ് മറ്റ് കഥാപാത്രങ്ങളെ അവതരിപ്പിക്കുന്നത്.
സ്ക്രീന് ജെംസ്, തണ്ടര് റോഡ് പിക്ചേഴ്സ് എന്നീ പ്രൊഡക്ഷന് കമ്പനികള് ചേര്ന്ന് നിര്മിക്കുന്ന ചിത്രം സോണി പിക്ചേഴ്സാണ് വിതരണത്തിനെടുത്തിരിക്കുന്നത്.