നസ്ലിന്, മാത്യു തോമസ്, നിഖില വിമൽ എന്നിവരെ പ്രധാന കഥാപാത്രങ്ങളാക്കി അരുണ് ഡി. ജോസ് സംവിധാനം ചെയ്യുന്ന 18+ എന്ന ചിത്രത്തിന്റെ ഫസ്റ്റ് ലുക്ക് പോസ്റ്റർ റിലീസ് ചെയ്തു. പ്രണയദിനത്തിലാണ് ചിത്രത്തിന്റെ പോസ്റ്റർ റിലീസ് ചെയ്തത്.
ഒരു സബ് രജിസ്ട്രാര് ഓഫീസിനു മുന്നില് മാലയും ബൊക്കയുമിട്ട് നിൽക്കുന്ന നസ്ലിന്റെയും മാത്യു തോമസിന്റെയും കഥാപാത്രങ്ങളുടെ ഫസ്റ്റ്ലുക്കാണ് പുറത്തുവിട്ടത്.
എന്നാല് സ്വവര്ഗ പ്രണയമല്ല ചിത്രമെന്ന് സംവിധായകൻ കുറിച്ചിട്ടുണ്ട്. ബിനു പപ്പു, സാഫ് ബ്രോസ്, മീനാക്ഷി, മനോജ് കെ.യു, ശ്യാം മോഹന്, കുമാര് സുനില്, ബാബു അന്നൂര്, ഉണ്ണിരാജ, പ്രിയ എന്നിവരാണ് ചിത്രത്തിലെ മറ്റു കഥാപാത്രങ്ങളെ അവതരിപ്പിച്ചിരിക്കുന്നത്.