ഡബ്ലിൻ: ഡബ്ലിൻ സീറോ മലബാർ സഭയിൽ വിശുദ്ധ യൗസേപ്പിതാവിന്‍റെ മരണത്തിരുനാൾ ആഘോഷിച്ചു. മാർച്ച് 18ന് സെന്‍റ് ജോസഫ്സ് മാസ് സെന്‍ററിലെ മെറിയോൻ റോഡ് ഒൗർ ലേഡി ക്യൂൻ പീസ് ദേവാലയത്തിൽ നടന്ന ആഘോഷമായ തിരുനാൾ കുർബാനക്ക് ഫാ. ടോമി പാറാടിയിൽ മുഖ്യ കാർമികത്വം വഹിച്ച് സന്ദേശം നൽകി. ഡബ്ലിൻ സീറോ മലബാർ സഭ ചാപ്ലിൻസ് ഫാ. ജോസ് ഭരണിക്കുളങ്ങര, ഫാ. ആന്‍റണി ചീരംവേലിൽ എന്നിവർ സഹകാർമികത്വം വഹിച്ചു. തുടർന്നു വിശുദ്ധന്‍റെ തിരുസ്വരൂപവും വഹിച്ച് പ്രദിക്ഷണം നടന്നു. ലദീഞ്ഞ്, നൊവേന, തിരുനാൾ നേർച്ച എന്നിവ തിരുനാളിനെ കൂടുതൽ ഭക്തിസാന്ദ്രമാക്കി. സെന്‍റ് ജോസഫ്സ് മാസ് സെന്‍ററാണ് തിരുനാളിന് നേതൃത്വം നൽകി.
റിപ്പോർട്ട്: ജയ്സണ്‍ കിഴക്കയിൽ
റിപ്പോർട്ട്: ജയ്സണ്‍ കിഴക്കയിൽ
