അനിഖ സുരേന്ദ്രനെ കേന്ദ്ര കഥാപാത്രമാക്കി ഒരുക്കുന്ന ഓ മൈ ഡാർലിംഗ് എന്ന ചിത്രത്തിന്റെ ട്രെയിലർ പുറത്തിറങ്ങി. ബിടിഎസിനെയും കൊറിയൻ സീരിസുകളെയും ഇഷ്ടപെടുന്ന അനിഖയുടെ ജീവിതത്തിലെ പ്രണയമാണ് ചിത്രം പറയുന്നത്.
ലിപ് ലോക്ക് രംഗങ്ങൾ അടക്കമുള്ള പ്രണയമുഹൂർത്തങ്ങൾ നിറഞ്ഞ ചിത്രത്തിന്റെ ട്രെയിലർ ഇതിനോടകം ശ്രദ്ധ നേടിക്കഴിഞ്ഞു.ആല്ഫ്രഡ് ഡി. സാമുവല് ആണ് ചിത്രം സംവിധാനം ചെയ്യുന്നത്. ആഷ് ട്രീ വെഞ്ച്വേഴ്സിന്റെ ബാനറില് മനോജ് ശ്രീകണ്ഠയാണ് ചിത്രം നിര്മിക്കുന്നത്.
ജിനീഷ് കെ. ജോയ് ആണ് ചിത്രത്തിന്റെ തിരക്കഥയൊരുക്കിയിരിക്കുന്നത്. മെല്വിന് ജി. ബാബു, മുകേഷ്, ലെന, ജോണി ആന്റണി, മഞ്ജു പിള്ള, വിജയരാഘവന്, ശ്രീകാന്ത് മുരളി, നന്ദു, ഡെയ്ന് ഡേവിസ്, ഫുക്രു തുടങ്ങിയവരാണ് ചിത്രത്തിലെ മറ്റ് കഥാപാത്രങ്ങളെ അവതരിപ്പിക്കുന്നത്.
അന്സാര് ഷായാണ് ഛായാഗ്രാഹകന്. വിനായക് ശശികുമാറിന്റെ വരികള്ക്ക് സംഗീത പകരുന്നത് ഷാന് റഹ്മാന് ആണ്. എഡിറ്റിംഗ് ലിജോ പോള്.