സച്ചി തിരക്കഥയെഴുതി സംവിധാനം ചെയ്യുന്ന അയ്യപ്പനും കോശിയും എന്ന സിനിമയുടെ ട്രെയിലർ പുറത്തുവിട്ടു. പൃഥ്വിരാജ്, ബിജു മേനോൻ എന്നിവരാണ് സിനിമയിൽ കേന്ദ്രകഥാപാത്രങ്ങളെ അവതരിപ്പിക്കുന്നത്.
പട്ടാളത്തിൽ 16വർഷത്തെ സേവനത്തിന് ശേഷം നാട്ടിൽ തിരികെയെത്തിയ ഹവിൽദാറായി പൃഥ്വിരാജും അട്ടപ്പാടിയിലെ സബ് ഇൻസ്പെക്ടറായി ബിജു മേനോനും സിനിമയിൽ അഭിനയിക്കുന്നു. സംവിധായകൻ രഞ്ജിത്തും സിനിമയിൽ മറ്റൊരു പ്രധാനകഥാപാത്രത്തെ അവതരിപ്പിക്കുന്നുണ്ട്.
രഞ്ജിത്, പി.എം. ശശിധർ എന്നിവരാണ് ചിത്രം നിർമിക്കുന്നത്.