നടി പ്രയാഗ മാർട്ടിന്‍റെ പുത്തൻ മേക്കോവറാണ് ഇപ്പോൾ സമൂഹമാധ്യമങ്ങളിൽ വൈറലായിരിക്കുന്നത്. മുംബൈയിൽ നിന്നുള്ള താരത്തിന്‍റെ ചിത്രങ്ങളാണ് ആരാധകർ ഏറ്റെടുത്തിരിക്കുന്നത്.
താരത്തിന്‍റെ ഹെയർ കട്ടും കളറിംഗുമാണ് പ്രധാന ആകർഷണം. ഷോട്സും ഷർട്ടും ധരിച്ച് നീളൻ ബാഗും ധരിച്ച് നടക്കുന്ന താരത്തെ കണ്ടാൽ വിദേശ വനിതയാണെന്നേ ഒറ്റ നോട്ടത്തിൽ തോന്നുകയുള്ളൂ.
നിരവധി പേരാണ് ചിത്രത്തിന് കമന്‍റുമായി എത്തിയിരിക്കുന്നത്. ഗംഭീര മേക്കോവറാണ് നടത്തിയിരിക്കുന്നതെന്നും ഏത് ലുക്കിൽ വന്നാലും പ്രയാഗ സുന്ദരിയാണ് എന്നൊക്കെയാണ് കമന്‍റുകൾ.
ഒരു മുറൈ വന്ത് പാർത്തായ എന്ന ചിത്രത്തിലൂടെ നായികയായിട്ടാണ് പ്രയാഗ സിനിമയിലേക്കെത്തിയത്. 2020ൽ പുറത്തിറങ്ങിയ ഭൂമിയിലെ മനോഹര സ്വകാര്യം എന്ന ചിത്രമാണ് നടി അവസാനം അഭിനയിച്ച മലയാള സിനിമ.
