കഴിഞ്ഞ വർഷത്തെ ഏറ്റവും വലിയ ഹിറ്റുകളിലൊന്നായ കാന്താരയുടെ ഒന്നാം ഭാഗം അടുത്ത വർഷമുണ്ടാകുമെന്ന് പ്രഖ്യാപിച്ച് നടനും സംവിധായകനുമായി ഋഷഭ് ഷെട്ടി. കാന്താരയുടെ 100-ാം ദിനത്തോടനുബന്ധിച്ച് നടത്തിയ ആഘോഷത്തിലാണ് താരം സന്തോഷ വാർത്ത പ്രഖ്യാപിച്ചത്.
കാന്താരയ്ക്ക് നിങ്ങൾ തന്ന സ്നേഹത്തിനും പിന്തുണയ്ക്കും ഞങ്ങൾ നിങ്ങളോട് കടപ്പെട്ടിരിക്കുന്നു. ഒപ്പം മുന്നോട്ടുള്ള പ്രയാണം തുടരുകയാണ്. ദൈവത്തിന്‍റെ അനുഗ്രഹത്താല്‍ ചിത്രം വിജയകരമായി 100 ദിവസം പൂർത്തിയാക്കി.
ഈ അവസരത്തിൽ കന്താരയുടെ പ്രീക്വൽ പ്രഖ്യാപിക്കാൻ ഞാൻ ആഗ്രഹിക്കുന്നു. നിങ്ങൾ കണ്ടത് യഥാർഥത്തിൽ കാന്താര ഭാഗം രണ്ടാണ്. ഒന്നാ ഭാഗം അടുത്ത വർഷം വരും. കാന്താരയുടെ ഷൂട്ടിംഗ് നടക്കുമ്പോഴാണ് പെട്ടെന്ന് പ്രീക്വൽ ആശയം മനസിൽ തെളിഞ്ഞത്.
നിലവിൽ എഴുത്ത് പുരോഗമിക്കുകയാണ്. ഈ സിനിമയെക്കുറിച്ചുള്ള കൂടുതല്‍ വിവരങ്ങള്‍ അധികം വൈകാതെ നല്‍കാന്‍ കഴിയുമെന്നാണ് പ്രതീക്ഷ. ഋഷഭ് ഷെട്ടി പറഞ്ഞു.
മൊഴി മാറ്റി എത്തി മലയാളമുൾപ്പെടെയുള്ള വിവിധ ഭാഷകളിൽ വൻ വിജയം നേടാൻ ചിത്രത്തിനായിരുന്നു.
