സംവിധായകന്‍ പ്രിയദര്‍ശന്‍റെയും നടി ലിസിയുടെയും മകന്‍ സിദ്ധാർഥ് പ്രിയദര്‍ശന്‍ വിവാഹിതനായി. അമേരിക്കന്‍ പൗരയും വിഷ്വല്‍ എഫക്റ്റ്സ് പ്രൊഡ്യൂസറുമായ മെര്‍ലിന്‍ ആണ് വധു. ചെന്നൈയിലെ ഫ്ളാറ്റിൽ തികച്ചും ലളിതമായിട്ടായിരുന്നു വിവാഹം. 
സ്വകാര്യമായി നടന്ന ചടങ്ങിൽ പ്രിയദര്‍ശനും ലിസിയും കല്ല്യാണി പ്രിയദര്‍ശനുമടക്കം അടുത്ത ബന്ധുക്കളും സുഹൃത്തുക്കളും മാത്രമാണ് പങ്കെടുത്തത്.വെള്ളിയാഴ്ച വൈകീട്ട് 6.30 നായിരുന്നു വിവാഹം. 
പ്രിയദര്‍ശന്‍ സംവിധാനം ചെയ്ത മരക്കാര്‍ അറബിക്കടലിന്‍റെ സിംഹം എന്ന ചിത്രത്തിന്‍റെ വി.എഫ്.എക്‌സ് ചെയ്തത് സിദ്ധാർഥ് ആയിരുന്നു. 
ഈ ചിത്രത്തിന് മികച്ച വിഎഫ്എക്സിനുള്ള ദേശീയ പുരസ്കാരം ലഭിച്ചിരുന്നു. അമേരിക്കയിൽ നിന്നാണ് സിദ്ധാർഥ് ഗ്രാഫിക്സ് കോഴ്സ് പൂർത്തിയാക്കിയത്.
