നടി നസ്രിയ നസീം പങ്കുവച്ച ചിത്രങ്ങളാണ് ഇപ്പോൾ സമൂഹമാധ്യമങ്ങളിൽ വൈറലായിരിക്കുന്നത്. ഉമ്മയ്ക്ക് പിറന്നാൾ ആശംസകൾ നേർന്നുള്ള ചിത്രമാണ് താരം പങ്കുവച്ചത്. വെളുത്ത നിറമുള്ള വസ്ത്രത്തിലാണ് ഇരുവരും പ്രത്യക്ഷപ്പെട്ടത്.
നിരവധിപേരാണ് ചിത്രത്തിന് കമന്റുമായെത്തുന്നത്. ഉമ്മയെ കണ്ടാൽ നസ്രിയയുടെ സഹോദരിയാണെന്ന് തോന്നുകയുള്ളുവെന്ന് നടൻ ദുൽഖർ സൽമാൻ കമന്റ് ചെയ്തു. ജന്മദിനാശംസകൾ പിങ്കി ഉമ്മ. ഇതെന്തൊരു മാജിക്കാണ്. നിങ്ങളെ കണ്ടാൽ സഹോദരിമാരാണെന്നേ തോന്നുകയുള്ളു. ദുൽഖർ കുറിച്ചു.
നടി ഐശ്വര്യ ലക്ഷ്മിയും ചിത്രത്തിന് കമന്റുമായി എത്തി. ഉമ്മ വളരെ സുന്ദരിയാണ്, ദയവ് ചെയ്ത് ഇത് അവരോട് പറയണമെന്നും നടി പറയുന്നുണ്ട്.
മീര നന്ദൻ, അഹാന കൃഷ്ണ തുടങ്ങി നിരവധി പേരാണ് താരത്തിന്റെ ഉമ്മയ്ക്ക് പിറന്നാൾ ആശംസകളുമായി എത്തിയത്. തെലുങ്ക് ചിത്രം അന്റെ സുന്ദരനാകിനിയാണ് ഏറ്റവും ഒടുവില് റിലീസായ നസ്രിയ ചിത്രം.